सिरहामा युवा मृत फेला
सिरहा — सिरहामा खाल्डोमा डुबेको अवस्थामा आइतबार एक जना मृत फेला परेका छन् । प्रहरीका अनुसार सन्हैठामा नहर बनाउन खनेको खाल्डोमा सिरहा नगरपालिका–२० लगडीगदियानीका ३५ वर्षीय कारी सदाय मृत फेला परेका हुन् ।
घरबाट शनिबार बिहानै कामको खोजीमा निस्केका सदाय आइतबार बिहान सन्हैठास्थित खाल्डोको पानीमा तैरिरहेको अवस्थामा फेला परेको जिल्ला प्रहरी कार्यालय सिरहाले जनाएको छ । खाल्डोको पानीमा तैरिरहेको अवस्थामा देखेपछि स्थानीयले प्रहरीलाई खबर गरेका थिए ।
घटनाबारे अनुसन्धान भइरहेको प्रहरीले जनाएको छ ।
प्रकाशित : आश्विन २, २०७९ १९:००प्रतिक्रिया