पानीको बहाव बढ्नेक्रम नरोकिएपछि कोसी ब्यारेजका ३२ ढोका खुला - मधेस - कान्तिपुर समाचार
कान्तिपुर वेबसाईट
AdvertisementAdvertisement

पानीको बहाव बढ्नेक्रम नरोकिएपछि कोसी ब्यारेजका ३२ ढोका खुला 

अवधेश झा

राजविराज — सप्तकोसी नदीमा पानीको बहाव बढेपछि ३२ ढोका खुला गरिएको छ । शनिबार दिउँसो ३ बजेको मापनअनुसार पानीको बहाव २ लाख २३ हजार ७७५ क्युसेक प्रतिसेकेन्ड पुगेको कोसी ब्यारेज नियन्त्रण कक्षले जनाएको छ । मध्याह्न १२ बजे गरिएको मापनअनुसार कोसी ब्यारेज भएर २ लाख २ हजार ४ सय ७५ क्युसेक पानी प्रति सेकेन्डका दरले बहाव भइरहेको थियो । 

पानीको बहाव बढेसँगै ५६ मध्ये ३२ ढोका खुला गरिएको सप्तरीका प्रहरी उपरीक्षक अभिनारायण काफ्लेले जानकारी दिए । शनिबार मध्याह्न ब्यारेजका २९ वटा ढोकामात्रै खोलिएको थियो ।

पहाडी जिल्लाहरूमा अत्यधिक वर्षा भएको र सप्तकोसीमा जोडिने नदीहरूमा पानीको सतह अत्यधिक रहेकाले कोसीमा पानीको बहाव अस्वभाविकरुपमा बढ्ने अनुमान गरिएको हो । कोसी नदीमा पानीको अत्यधिक बहाव हुनसक्ने जानकारीपछि कोसी ब्यारेजसहित कोसीको संरचनालाई निगरानी गरिरहेको प्रहरी उपरीक्षक काफ्लेले बताए । उनका अनुसार तटीय क्षेत्रका बासिन्दालाई सतर्क रहनसमेत आग्रह गरिएको छ ।

कोसीमा अत्यधिक बहाव हुनसक्ने भएपछि सुनसरीमा पनि उच्च सतर्कता अपनाइएको प्रमुख जिल्ला अधिकारी इन्द्रदेव यादवले बताए । यस्तै बस्तीतर्फ कोसी प्रवेश गरेकोले उदयपुरमा पनि उच्च सतर्कता अपनाइएको उदयपुरका प्रमुख जिल्ला अधिकारी वीरेन्द्रकुमार यादवले बताए ।

प्रकाशित : श्रावण २१, २०७९ १६:२१
प्रतिक्रिया
पठाउनुहोस्

जंगली च्याउ खाँदा बिरामी परेकी बालिकाको मृत्यु 

विप्लव महर्जन

सल्यान — जंगली च्याउ खाँदा बिरामी परेका एकै घरका ४ मध्ये १ बालिकाको मृत्यु भएको छ । जिल्लाको शारदा नगरपालिका ४ साइलाकम्तकी ४ वर्षीया जोशना बस्नेतको मृत्यु भएको हो । 

बिहीबार जंगली च्याउ खाँदा शारदा नगरपालिका ४ साइलाकम्तमा केशर ओलीको श्रीमती ४० वर्षीया मीना बस्नेत, छोरी २५ वर्षीया पबित्रा बस्नेत, ९ वर्षीय छोरा जोन बस्नेत र छोरी ४ वर्षीया जोशना बस्नेत बिरामी परेका थिए । जिल्ला अस्पताल सल्यानमा सामान्य उपचारपछि थप उपचारको लागि प्रदेश अस्पताल सुर्खेतमा शनिबार विहान रिफर गरिएको थियो ।

बालिकाको उपचारको क्रममा मृत्यु भएको जिल्ला प्रहरी कार्यालय सल्यानका प्रहरी नायव उपरीक्षक सुमित खड्काले जानकारी गराए । उनका अनुसार जिल्ला अस्पतालबाट रिफर गरिएका बन्गाड कुपिण्डे नगरपालिका ९ जयतपानीका एकै घरका ४८ वर्षीय भूपबहादुर ओली, उनको ४५ वर्षीया श्रीमती मनकली, २३ वर्षीय छोरा प्रकाश, बुहारी २१ वर्षीय सुशीला ओली र शारदा नगरपालिका ४ साइलाकम्तका ४ गरी ८ जना थिए । जसमध्ये ७ जनाको अवस्था सामान्य रहेको उनको भनाइ छ ।

जिल्ला अस्पताल सल्यानका ईन्चार्ज तथा एमडीजीपी डा. अभिषेक सिंहले जंगली च्याउ खाएर बिरामी परेकामध्ये २ जनाको अवस्था गम्भीर भएको र तिनीहरुको डाइलसिस गर्नुपर्ने तथा आइसीयूमा भर्ना गर्नुपर्ने हुँदा जिल्ला अस्पतालमा सुविधा नभएकाले आफन्तको सल्लाहअनुसार सबैलाई रिफर गरिएको बताए ।

यो सातामा मात्र च्याउ खाएर १५/१६ जना बिरामी परेर अस्पतालमा भर्ना भएका र त्यसमध्ये केही निको भएर घर फर्किएका उनले जानकारी दिए । ८ जनालाई भने अन्य अस्पतालमा रिफर गरिएको छ । बिरामीमा पखाला, पेट दुख्ने, रक्तचापको कमीजस्ता लक्षण देखिएको थियो ।

नगरपालिका सल्यानका मेयर प्रकाश भण्डारीले समेत सामाजिक सञ्जालमार्फत नगरवासीलाई सल्लाह दिएका छन् ।

प्रकाशित : श्रावण २१, २०७९ १६:११
पूरा पढ्नुहोस्
प्रतिक्रिया
पठाउनुहोस्
x
×