सप्तरीमा हत्याको आरोपमा प्रहरीले एक जनालाई नियन्त्रणमा लिएको छ । पक्राउ पर्नेमा कञ्चनरुप-६ का पशुपति राम छन् । गत भदौ २१ मा कञ्चनरूप-७ का २५ वर्षीय राहुलकुमार चौधरी मृत फेला परेका थिए ।
निरन्तरको वर्षापछि सप्तकोशी नदीमा पानीको बहाव अत्यधिक भएको छ । आइतबार राति ३ बजे कोशी ब्यारेज भएर ४ लाख ६२ हजार ३ सय ९५ क्युसेक पानी प्रति सेकेन्डका दरले बहाव भएको थियो । सोमबार बिहान ८ बजेको मापन अनुसार कोशी ब्यारेज भएर ४ लाख ३९ हजार ३ सय ९५ क्युसेक पानी प्रतिसेकेन्डका दरले बहाव भइरहेको छ ।
हुलाकी राजमार्गको सडक अतिक्रमण गरी बनाइएका संरचनाहरू राजविराज नगरपालिकाले हटाउन सुरु गरेको छ ।राजविराज वडा नम्बर ६ र ७ मा पर्ने सिरहा रोडमा हुलाकी राजमार्गको सडकलाई अतिक्रमण गरी बनाइएका निजी घर लगायतका संरचनाहरु आइतबार बिहानदेखि डोजर लगाएर नगरपालिकाले हटाउन सुरू गरेको हो ।
सप्तरीको तिलाठी कोइलडी गाउँपालिका-७ मंसापुरमा एक युवकको हत्या भएको छ । शुक्रबार बिहान मंसापुरमा हत्या गरिएको अवस्थामा हनुमाननगर कंकालिनी नगरपालिका-२० का २१ वर्षीय तीर्थनारायण मण्डलको शव फेला परेको जिल्ला प्रहरी कार्यालय सप्तरीका डीएसपी नरेशकुमार सिंहले जानकारी दिए । उनको शरीरमा चक्कु प्रहार गरिएको सिंहले बताए ।
ट्रकको ठक्करबाट मंगलबार सप्तरीको रूपनीमा एक बालकको मृत्यु भएपछि चालकलाई कारबाही र पीडितलाई क्षतिपूर्तिको माग गर्दै स्थानीयहरूले पूर्वपश्चिम राजमार्गमा प्रदर्शन गरेका छन् । उनीहरूको प्रदर्शनले अहिले रूपनी सडक खण्ड अवरुद्ध बनेको छ ।
किर्ते कागजात पेस गरी नेपाली नागरिकता लिएको आरोपमा अदालतबाट पक्राउपुर्जी जारी भएपछि सप्तरीको डाक्नेश्वरी नगरपालिका उपप्रमुख मीरा यादव पक्राउ परेकी छन् । उनलाई नागरिकतासम्बन्धी कसुरमा नियन्त्रणमा लिइएको सप्तरीका एसपी नरेन्द्रकुमार कार्कीले जानकारी दिए ।
