रोकिएन अवैध रकम ओसारपसार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रौतहट — रौतहटको ईशनाथ नगरपालिका–६ चमनाबाट केही दिनअघि स्रोत नखुलेको रकम बरामद भयो । भारतबाट नेपालतर्फ मोटरसाइकलमा आउँदै गरेका भारतको मुम्बई सेन्ट्रल महाराष्ट्र बस्ने २६ वर्षीय मोहम्मद कमरे आलम पक्राउ परेका थिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![रोकिएन अवैध रकम ओसारपसार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/money-finance/paisa-24112021090323-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सीमामा खटिएको सशस्त्र प्रहरी बलको टोलीले उनको साथबाट १० लाख रुपैयाँ र १२ हजार भारु फेला पारेको थियो । उनले प्याज राखेको बोरामा लुकाई रकम ल्याएका थिए । तर, कसको रकम ल्याएको भन्ने हालसम्म प्रहरीलाई बताएका छैनन् ।
सीमामा स्रोत नखुलेको रकम ओसारपसारको यो एउटा उदाहरण मात्र हो । पछिल्लो समय यसरी अवैध रकम ओसारपसार झनै बढेको छ । सुरक्षाकर्मीले जतिसुकै कडाइ गरेको भनिए तापनि कारोबारी बढेका छन् । खुला सीमाका कारण कुनै न कुनै बाटो प्रयोग गरी नेपाल प्रवेश गर्छन् । उनीहरूले ल्याउने रकम कहाँबाट आइरहेको छ भन्नेबारे सुरक्षाकर्मीले पनि पत्ता लगाउन सकेका छैनन् ।
आलम पक्राउ परेको केही दिनअघि अर्का एक भारतीय पनि स्रोत नखुलेको रकमसहित पक्राउ परेका थिए । भारतको पूर्वी चम्पारण जिल्ला मोतिहारी थाना महुवा गाउँका ४५ बर्षिय दिपनारायण प्रसाद श्रोत नखुलेको १५ लाख रकम सहित रौतहटको बौधीमाई नगरपालीका ९ सरमुजवामा पक्राउ परेका थिए । उनी बिहार ०५ वाई २९७८ नम्बरको मोटरसाईकल चढेर आउदै थिए ।
सशस्त्र प्रहरी मधेस प्रदेशका प्रमुख डीआईजी गणेश ठाडामगरले पारिबाट आउने रकम कसको र कुन प्रयोजनका लागि ओसारपसार भइरहेको भन्नेबारे अनुसन्धान भइरहेको बताए । ‘हामीले सीमाक्षेत्रमा कडा निगरानी बढाएका छौं,’ उनले भने, ‘खुला सीमा भएकाले कुनै न कुनै चोरबाटो भएर प्रवेश गरिहाल्छन् ।’ सीमापारिको समूहको पहिचान गर्न सके कारोबारी रोकिने उनको भनाइ छ । नेपाल–भारत सीमा बैठकमा पटक–पटक यस विषयमा कुरा उठ्दै आए पनि कारोबार रोकिएको छैन । स्रोत नखुलेको रकम ओसारपसार गर्ने अधिकाश भारतीय छन् ।
जिल्ला प्रहरी कार्यालय गौरका अनुसार गत आर्थिक वर्षमा भारतबाट नेपाल ल्याउँदै गरेको स्रोत नखुलेको ३२ लाख ६१ हजार रकम बरामद भएको छ । उक्त रकम ओसारपसार गर्ने ६ भारतीय र ४ नेपाली पक्राउ परेको जिल्ला प्रहरीका डीएसपी सुनील मल्लले बताए । यस्तै उक्त अवधिमा सशस्त्र प्रहरीले पनि १३ जनालाई पक्राउ गरेको थियो, जसमध्ये ९ जना भारतीय हुन् । हुन्डी र नक्कली नोटको कारोबार गर्ने गिरोहले यसरी रकम ओसारपसार गराउँदै आएको सुरक्षा निकायको अनुमान छ । रौतहटको सीमाक्षेत्र झन्डै ३७ किलोमिटर खुला छ ।
प्रकाशित : श्रावण ९, २०७९ ०८:३२