सप्तरीमा १ सय ७५ किलो गाँजासहित ट्रक नियन्त्रणमा, चालक, सहचालक भागे- मधेस - कान्तिपुर समाचार
कान्तिपुर वेबसाईट
AdvertisementAdvertisement

सप्तरीमा १ सय ७५ किलो गाँजासहित ट्रक नियन्त्रणमा, चालक, सहचालक भागे

अवधेशकुमार झा

राजविराज — सप्तरीमा अदुवा लोड रहेको मिनी ट्रकलाई शंका लागेर सशस्त्र प्रहरीले जाँच गर्दा १ सय ७५ किलो लागूऔषध गाँजा बरामद भएको छ । सशस्त्र प्रहरी निरीक्षक किसमान तामाङको नेतृत्वमा रहेको ७ जनाको सशस्त्र प्रहरीको टोलीलाई झुक्याएर ट्रक चालक र सहचालक फरार भएका छन् ।

मंगलबार राति पौने ११ बजे पूर्व-पश्चिम राजमार्गअन्तर्गत सप्तरीको हनुमाननगर कंकालिनी नगरपालिकाको कोसी ब्यारेजस्थित चेक प्वाइन्टमा शंका लागेर जाच गर्दा को १ ख २९२५ नम्बरको मिनी ट्रकबाट अदुवासहित १ सय ७५ किलो गाँजा बरामद भएको सशस्त्र प्रहरीले जनाएको छ ।

चेक प्वाइन्टमा जाँच गरिरहँदा ट्रकमा ३ सय ५० केजी अदुवासहित बोरामा प्याकिङ गरिएको गाँजा बरामद भएको थियो । सशस्त्र प्रहरीले जाँच गरिरहँदा अवैध गाँजा लोड रहेको मिनी ट्रकको चालक र सहचालक गाडीबाट ओर्लेर फरार हुनुले घटनालाई शंकास्पद बनाएको छ ।

सशस्त्रले बरामद ट्रक, अदुवा र गाँजा थप अनुसन्धान र कारबाहीका लागि जिल्ला प्रहरी कार्यालय सप्तरीमा बुझाइएको छ ।

प्रकाशित : असार ८, २०७९ १७:१९
प्रतिक्रिया
पठाउनुहोस्

बालिकामाथि यौन दुर्व्यवहार आरोपमा पूर्वउपप्रधानपञ्च पक्राउ

रमेशचन्द्र अधिकारी

धनकुटा — महालक्ष्मी नगरपालिका ४ स्थित ९ वर्षीया बालिकालाई यौन दुर्व्यवहार गरेको आरोपमा सोही स्थानका ७६ वर्षीय विर्खबहादुर पौडेल पक्राउ परेका छन् । घटनाका आरोपित वृद्ध पञ्चायतकालमा तत्कालीन चानुवा गाउँपञ्चायतका उपप्रधानपञ्च रहेको बताइएको छ ।



गत शुक्रबार विद्यालयबाट घर फर्कँदै गरेकी बालिकालाई पौडेलले बाटोमै यौन दुर्व्यवहार गरेको प्रहरीको अनुसन्धानबाट खुलेको छ ।

चार जना बालबालिका विद्यालयबाट घरतर्फ फर्कँदै गर्दा तीन जनालाई पानी लिन पठाएर एक बालिकालाई ती वृद्धले यौन दुर्व्यवहार गरेको प्रहरीले जनाएको छ ।

घटनाबारे गत सोमबार मात्र बालिकाका अभिभावकलाई थाहा दिएपछि घटना बाहिरिएको थियो । सोमबार नै बालिकाकी आमाले पौडेलविरुद्ध प्रहरीमा किटानी जाहेरी दिएकी थिइन् । सोही दिन घटनामा संलग्न व्यक्तिलाई पक्राउ गरिएको जिल्ला प्रहरी प्रमुख एसपी लक्ष्मीराज अधिकारीले जानकारी दिए ।

उनीविरुद्ध बाल यौन दुरुपयोग मुद्दामा अदालतमा मुद्दा अघि सारिएको उनले बताए । बालिका स्थानीय विद्यालयमा ५ कक्षामा अध्ययनरत छिन् ।

प्रकाशित : असार ८, २०७९ १७:१६
पूरा पढ्नुहोस्
प्रतिक्रिया
पठाउनुहोस्
×