गाँजासहित युवती पक्राउ

मलंगवा नगरपालिका ९ की १८ वर्षीय पम्मी कुमारी आइतबार साँझ खेतमा खरानी हाल्ने बहानामा ढाकीमा गाँजा राखी माथीबाट खरानीले छोपेर भारततर्फ लैजाने क्रममा पक्राउ परेकी हुन् ।

उनको साथबाट १३ किलो गाँजा बरामद गरिएको जिल्ला प्रहरी कार्यालयले जनाएको छ । गाँजासहित भारत कट्नै लागेकी युवती सीमामा गस्तीमा रहेको प्रहरी देख्नासाथ ढाकी छाडेर भागेकी थिइन् ।

प्रहरीले खरानीभित्रबाट दुईवटा गाँजाको पोका बरामद गरेपछि भागेको युवतीलाई स्थानीय धनराज साहको घरबाट पक्राउ गरी अनुसन्धान गरिरहेको जनाएको छ ।