मधेस प्रदेश : आन्तरिक मामिला तथा सञ्चार मन्त्रालयको नाम परिवर्तन- मधेस - कान्तिपुर समाचार
कान्तिपुर वेबसाईट
AdvertisementAdvertisement

मधेस प्रदेश : आन्तरिक मामिला तथा सञ्चार मन्त्रालयको नाम परिवर्तन

रासस

काठमाडौँ — मधेस प्रदेश सरकारले आन्तरिक मामिला तथा सञ्चार मन्त्रालयको नाम परिवर्तन गरी गृह तथा सञ्चार मन्त्रालय राख्ने निर्णय गरेको छ । आन्तरिक मामिला तथा सञ्चारमन्त्री भरतप्रसाद साहका अनुसार यही जेठ ६ गते बसेको मन्त्रिपरिषद्को बैठकले उक्त मन्त्रालयको नाम परिवर्तन गरी गृह तथा सञ्चार मन्त्रालय राख्ने निर्णय गरेको हो ।

मन्त्री साहले केन्द्र सरकारसँग लड्दै अब मन्त्रालयको अधिकार लिन नाम परिवर्तनबाट सुरु गरिएको बताए । मन्त्रालयको नाम कानुन बमोजिम परिवर्तन गरी राजपत्रमा प्रकाशित गरिएको सचिव रामकुमार महतोले जानकारी दिए ।

प्रदेश सरकार स्थापना हुँदा उक्त मन्त्रालयको नाम आन्तरिक मामिला तथा कानुन मन्त्रालय थियो । तर पछि उक्त मन्त्रालय विभाजन हुँदा कानुन, न्याय तथा प्रदेशसभा मामिला मन्त्रालय अलग गरिएको थियो ।

त्यसपछि आन्तरिक मामिला तथा सञ्चार मन्त्रालय नाम राखिएको थियो । फेरि हाल आएर नाम परिवर्तन गरी गृह तथा सञ्चार मन्त्रालय नामकरण गरिएको हो ।

नेकपा (माओवादी केन्द्र) प्रदेश सरकारमा सहभागी भएको ११ महिनापछि मन्त्रालयको नाम परिवर्तन गरिएको हो । मधेस प्रदेशका गृह तथा सञ्चारमन्त्री साहले मन्त्रिपरिषद्को निर्णयअनुसार नाम परिवर्तन गरी कामअनुसार मन्त्रालयको नाम गृह तथा सञ्चार मन्त्रालय राखिएको बताए ।

प्रकाशित : जेष्ठ ११, २०७९ २०:३०
प्रतिक्रिया
पठाउनुहोस्

रोयल तेस्रोपल्ट च्याम्पियन

कान्तिपुर संवाददाता

काठमाडौँ — आयोजक रोयल स्पोर्ट्स सेन्ट्रलले जीएए तेस्रो रोयल यू–२३ पुरुष बास्केटबल प्रतियोगिताको उपाधि जितेको छ । रोयलको यो ह्याट्रिक उपाधि जित हो ।

ललितपुरको सानागाउँस्थित घरेलु कोर्टमा बुधबार सम्पन्न प्रतिस्पर्धात्मक फाइनलमा रोयलले टाइम्स कलेजलाई ८५–८४ स्कोरले हरायो । ह्याट्रिक उपाधि यात्रामा यसअघिका फाइनलमा पनि रोयलले टाइम्सलाई नै हराएको थियो । यसपल्ट रोयलको जितमा निकेश मगरले ३४ स्कोर गरे । टाइम्सबाट मनीष केसीले ३७ स्कोर जोडेका थिए ।

निर्धारित क्वाटरको खेल ६७–६७ स्कोरको बराबरीमा सकियो । त्यसपछि पनि दुई पटक अत्तिरिक्त समय थप्नुपरेको थियो । थप पहिलो ५ मिनेटको अत्तिरिक्त समय पनि १०–१० को बराबरीमा टुंगियो । दोस्रो पटक थप गरिएको ५ मिनेट अत्तिरिक्त समयमा रोयल ८–७ ले अगाडि भयो । अन्ततः समग्रमा फाइनल १ स्कोर अन्तरले जित्यो ।

रोयलले ५० हजार र टाइम्सले १५ हजार रुपैयाँ पुरस्कार पाए । रोयलका आशिष बस्नेत मोस्ट भ्यालुएबल प्लेयर घोषित भए । उनले ५ हजार नगदसहित शेर्पा चाइको गिफ्ट ह्याम्पर पाए । धरान मेघा कलेजले उदीयमान टिमको ट्रफी जित्यो ।

विजेतालाई नेपाल बास्केटबल संघका कार्यबाहक अध्यक्ष भीमसिंह गुरुङ, गोदावारी अल्मुनाइ एसोसिएन (जीएए) का अध्यक्ष प्रकाशबाबु केसी र शेर्पा चाइका हेड ब्रिवर दिल्लीराम कोइरालाले पुरस्कृत गरे ।

रोयलकै कोर्टमा भइरहेको फादर वाटरिन स्मृति महिला खुला बास्केटबल प्रतियोगिताको उपाधिका लागि रोयल र जेभियर कलेज बिहीबार प्रतिस्पर्धा गर्दैछन् ।

पाठशालामा बास्केटबल

पाठशाला नेपाल फाउन्डेसनको आयोजनामा पाठशाला कप एसईई नकआउट बास्केटबल प्रतियोगिता शुक्रबार हुने भएको छ । प्रतियोगितामा ८ छात्र टिमको सहभागिता रहने बुधबार पत्रकार सम्मेलनमा जनाइयो । प्रतिस्पर्धी टिमलाई दुई समूहमा विभाजन गरी नकआउट आधारमा खेलाइने छ । समूह ‘ए’ मा स्वस्तिश्री, राजश्री गुरुकुल, प्रिमियर र ज्ञान निकेतन तथा समूह ‘बी’ मा रोजबड, संस्कृति, आयोजक पाठशाला र ह्वाइटफिल्ड छन् । विजेताले १५ हजार र उपविजेताले ८ हजार पुरस्कार पाउनेछन् । तीनदिने प्रतियोगिताका खेल आयोजक पाठशालाकै कोर्टमा हुनेछ ।


प्रकाशित : जेष्ठ ११, २०७९ २०:२७
पूरा पढ्नुहोस्
प्रतिक्रिया
पठाउनुहोस्
×