महोत्तरी कांग्रेस सभापतिमा यादव
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
महोत्तरी — नेपाली कांग्रेस महोत्तरीको सभापतिमा नागेश्वर यादव चयन भएका छन् । १४ औं जिल्ला महाधिवेशनबाट यादव शनिबार सभापतिमा चयन भएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![महोत्तरी कांग्रेस सभापतिमा यादव](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/nageswor-0532022111226-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
शुक्रबार भएको निर्वाचनमा सभापतिका तीनै उम्मेदवारले ५१ प्रतिशत मत कटाउन नसकेपछि दोस्रो चरणमा सहमतिबाट यादव सभापति बनेका हुन् । शनिबार दोस्रो चरणको निर्वाचन तय भएको थियो । तर, नागेश्वरका निकटतम प्रतिद्वन्द्वी सुशील यादवले नागेश्वरलाई नै मानेर जाने सहमति गरेपछि निर्वाचन अधिकृत इन्द्र अधिकारीले यादवलाई जिल्ला सभापति घोषणा गरेका छन् ।
पहिलो चरणको निर्वाचनमा नागेन्द्र यादवले १ हजार ११ मत, सुशील यादवले ७ सय ७९ र बजरगं नेपालीले ३ सय ६ मत प्राप्त गरेका थिए । दुई यादव देउवापक्ष र नेपाली पौडेल पक्षबाट उम्मेदवार बनेका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)
प्रतिक्रिया