बेपत्ता व्यक्ति पोखरीमा मृत भेटिए- मधेस - कान्तिपुर समाचार

बेपत्ता व्यक्ति पोखरीमा मृत भेटिए

सुनिता बराल

महोत्तरी — महोत्तरीमा पुस १८ गते घरबाट हराएका एक व्यक्ति पोखरीमा मृत भेटिएका छन् । एकडारा गाउँपालिका २ बस्ने ५४ वर्षीय विजय कुमार यादव मृत भेटिएका हुन् ।

यादव घरबाट हराएको सूचना परिवारले प्रहरीलाई दिएपछि प्रहरीले खोजी तीव्र बनाएको थियो । स्थानीय र प्रहरीले खोजी गर्ने क्रममा एकडारा २ मै रहेको कुटी पोखरीको छेउमा स्थानीयले मृतकको चप्पल भेटेको सूचना दिएपछि उनलाई मृत भेटिएको प्रहरीले जनाएको छ ।

सीमा प्रहरी चौकी कटिकटैयाको प्रहरी टोलीले पोखरीमा पसेर खोजी गर्दा उनलाई मृत भेटाइएको जिल्ला प्रहरी कार्यालय महोत्तरीका प्रहरी प्रवक्ता डिएसपी प्रकास विष्टले जनाकारी दिए ।

घटना के कसरी भयो भन्ने सम्बन्धमा प्रारम्भिक अनुसन्धान थालिएको महोत्तरी प्रहरीले जनाएको छ । मृतक यादवको जिल्ला अस्पताल जलेश्वरमा पोष्टमार्टमपछि परिवारको जिम्मा लगाइएको विष्टले बताए ।

प्रकाशित : पुस २०, २०७८ १८:४४
प्रतिक्रिया
पठाउनुहोस्

महोत्तरीमा जेष्ठ नागरिकले लगाए वडा कार्यालयमा ताला

सुनिता बराल

महोत्तरी — सामाजिक सुरक्षा भत्ता नपाएपछि महोत्तरीको गौशला नगारपालिका ११ मा जेष्ठ नागरिकले ताला लगाएका छन् । 

भत्ता माग्दै जेष्ठ नागरिकले मंगलबार वडा कार्यालयमा ताला लगाएका हुन् । जेष्ठ नागरिक र एकल महिलाले गत साउनदेखि भत्ता नपाएको बताएका छन् । ३/३ महिनामा पाउनुपर्ने भत्ता ६ महिनासम्म नपाएको ७८ वर्षीय रामनारायाण महतोले बताए । भत्ता नपाउँदा चिसोमा न्यानो कपडा किन्न नपाएको महतोले गुनासो गरे । वडा कार्यालयमा तालाबन्दी गरेर ५० जनाभन्दा बढी जेष्ठ नागरिकले नाराबाजी गरेका छन् ।

कार्यवहाक अध्यक्ष रामगुलाम महतोले भत्ता निकासीका लागि नेपाल बैंक गौशाला शाखा र नगरपालिकासँग समन्वय गरिरहे पनि बैंकले भत्ता उपलब्ध नगराएको बताए । उनले भने, 'नगरले बैंकमा गइसकेको छ भन्ने र बैंकले हुँदैछ, दिन्छौं भनेर टारिरहेको छ ।'

सबै वडाको भत्ता नगरबाट पठाइसकिएको तर केही वडाको वितरणमा समस्या आएकोले बैंक खातामा समस्या भएकाले हुनसक्ने गौशाला नगरपालिकाका प्रमुख प्रशासकिय अधिकृत वीरेन्द्रजंग थापाले बताए । सिस्टमबाट बैंक खातामा रकम जाने भएकाले कुनैमा समस्या भएको हुन सक्ने उनको भनाइ छ । थापाले चाँडै भत्ता वितरण हुने पनि आश्वासन दिए ।

प्रकाशित : पुस २०, २०७८ १६:०१
पूरा पढ्नुहोस्
प्रतिक्रिया
पठाउनुहोस्
×