भारतबाट ५ किशोरको उद्धार

श्यामसुन्दर शशि

जनकपुर — लामो समयदेखि भारत दरभंगास्थित बालगृहमा बस्दै आएका ५ किशोरलाई उद्धार गरी अभिभावकको जिम्मा लगाइएको छ । शुक्रबार राती दरभंगाबाट उद्धार गरिएका ती किशोरहरुलाई शनिबार जनकपुर अभिभावकको जिम्मा लगाइएको हो । उद्धार गरी ल्याइएका किशोरहरु ११ देखि १६ वर्षका छन् । 

ZenTravel


उद्धार गरिएकाहरुमा बारा जिल्ला कलैया नगरपालिका–७ बरैबा टोल बस्ने ११ वर्षीय सुमित दास, बारा जिल्ला महागढीमाई नगरपालिक–१० गंजभवानीपुर बस्ने १४ वर्षीय इन्ताज हवारी, सर्लाही जिल्ला चक्रघटा गाउँपालिका–६ गोइयाही बस्ने १५ वर्षीय दीपेशकुमार यादव, सोही ठाउँ बस्ने १६ वर्षीय कृष्ण कुमार तथा महोत्तरी समसी गाउँपालिका–२ पर्सा बस्ने १६ वर्षीय शेख नेमतुल्ला रहेका छन्।

Meroghar


घर परिवारलाई थाहै नदिई भागेका किशोरहरुमध्ये अधिकांश दिल्ली, मुम्बई तथा पञ्जाब जाँदै गरेका बेला भारतीय सुरक्षाकर्मीले उनीहरुलाई नियन्त्रणमा लिई बालगृहमा राखेका थिए। उनीहरुमध्ये केही ९ महिनादेखि भारतको बालगृहमा बस्दै आएका थिए।

दरभंगा बालगृहले दिएको सूचना अनुसार ती किशोरहरुका अभिभावकसँग सम्पर्क गरी स्वदेश फिर्ता ल्याउन ग्रोइङ नेपाल फाउण्डेशनले पहल गरेको थियो ।

प्रकाशित : मंसिर २१, २०७६ १६:५२
प्रतिक्रिया
पठाउनुहोस्
ADVERTISEMENT

५५ केजी तौल समूहको कुस्तीमा नेपाललाई स्वर्ण

सन्तोष सिंह

धनुषा — १३ औं दक्षिण एसियाली खेलकुद अन्तर्गत नेपालकी संगीता धामीले कुस्तीमा स्वर्ण पदक जितेकी छन् । 

५५ केजी तौल समूहमा शनिबार भएको खेलमा उनले बंगलादेशकी सकिरा रेनीलाई ५-१ ले पराजित गरिन् ।

प्रकाशित : मंसिर २१, २०७६ १६:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×