कल्याणपुर–१२ मा नेकपा विजयी
(सिरहा) — कल्याणपुर नगरपालिका–१२ को वडाध्यक्षमा नेकपाका दिलिपकुमार यादव विजयी भएका छन् । यादवले ८ सय २५ मत प्राप्त गरे । उनका प्रतिस्पर्धी राजपाका उम्मेदवार प्रदिपकुमार महतोले ६ सय ५४, कांग्रेसका राजकुमार मुखियाले ६ सय १५ मत प्राप्त गरेका छन् ।
३ हजार ४ सय ५० मतदाता रहेको सो वडामा २ हजार ४ सय ८० मत खसेको थियो । उपनिर्वाचनमा ५ स्वतन्त्रसहित १३ उम्मेदवार प्रतिस्पर्धामा उत्रिएका थिए ।
कांग्रेसबाट निर्वाचित वडाध्यक्ष रामदेव यादवको २०७५ वैशाख १८ गते मृत्यु भएपछि शनिबार उपनिर्वाचन भएको थियो ।
प्रतिक्रिया
