सीके राउतको पार्टीबाट पहिलोपटक उम्मेदवारी

रासस

जलेश्वर — निर्वाचन प्रक्रियामा पहिलोपटक होमिएको सीके राउत नेतृत्वको जनमत पार्टीले उपनिर्वाचनमा उम्मेदवारी दिएको छ । 

पार्टीबाट महोत्तरी जिल्लाको पिपरा गाउँपालिकाको अध्यक्ष पदमा हुने उपनिर्वाचनमा एक महिलाले उम्मेदवारी दिएकी हुन्।

पिपरा गाउँपालिका–५ स्थायी घर भएकी अञ्जनीदेवी मण्डलले अध्यक्ष पदमा उम्मेदवारी दिएको सो पार्टीका महोत्तरी जिल्ला इन्चार्ज सञ्जय यादवले बताए।

उम्मेदवार मण्डल सो पार्टीको तर्फबाट ‘लाउडस्पिकर’ छाप लिएर चुनावी मैदानमा उत्रिएकी हुन्।

पहिलो पटक पार्टी चुनावमा आएको र केही अलग गर्ने उद्देश्य रहेको बताउँदै उम्मेदवार मण्डलले आफ्नो पार्टीले चुनाव जित्ने जिकिर गरिन्।

प्रकाशित : कार्तिक २७, २०७६ १५:३९
ADVERTISEMENT
प्रतिक्रिया
पठाउनुहोस्

धरान उपमहानगरपालिकाको प्रमुख पदका लागि ११ स्वतन्त्रसहित १७ जनाको मनोनयन

प्रदीप मेन्याङ्बो

काठमाडौँ — सुनसरी धरान उपमहानगरपालिकाको प्रमुख पदका लागि ११ स्वतन्त्र सहित १७ जनाले उम्मेद्वारी दर्ता गरेका छन् । धरानस्थित निर्वाचन अधिकृतको कार्यालयमा कांग्रेसका तिलक राई,  नेकपाका प्रकास राई,  समाजवादी पार्टीका गजेन्द्र इस्बोले मनोनयन दर्ता गराएका छन् ।

यस्तै राष्ट्रिय जनमुक्ति पार्टीकागोकर्ण राई, संघीय लोकतान्त्रिक मञ्चका अमर इजम, राप्रपा कमल थापा पक्षका रोशन बिक, राप्रपा संयुक्तका कुमार बरैली, साझा पार्टीकाराजनकुमार श्रेस्त, राप्रपा लोकतान्त्रिका भिमबहादुर लिम्बु, संघीय खम्बुवानका एलिसा राई र आमुल परिवर्तनका छ्त्रबहादुर बिकले मनोनयन दर्ता गराएका छन् ।


निर्वाचन आयोगले बुधबार दिउँसो १ बजे सम्म मनोनयन दर्ता गर्ने समय सीमा तोकेको थियो ।



प्रकाशित : कार्तिक २७, २०७६ १४:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×