विद्युत् चोर्ने ३० पक्राउ

नेपाल विद्युत् प्राधिकरण कलैया वितरण केन्द्र, जिल्ला प्रहरी कार्यालय बारा र सशस्त्र प्रहरी बल १२ नं. गणबाट खटिएको चुहावट नियन्त्रण टोलीले फेटा गाउँपालिकाको वडा नं. ३, ४ र विश्रामपुर गाउँपालिकाको वडा नं. १, २ को बतरा, बरैनिय लगायतका गाउँबाट गरी ३० जनालाई विद्युत् चोरी गरिरहेको अवस्थामा पक्राउ गरेको जिल्ला प्रहरी कार्यालय बाराका प्रहरी उपरीक्षक विकाशराज खनालले बताए । उनीहरू हुकिङ गरी विद्युत् चोरी गर्दै गरेको अवस्थामा पक्राउ परेका हुन् ।