छात्रावासमा बलात्कार

कान्तिपुर संवाददाता

धनुषा — धनुषाको मिथिला नगरपालिकास्थित ढल्केबर एकेडमी बोर्डिङ स्कुलका शिक्षकले २ जना छात्रालाई जबरजस्ती गरेको खुलेको छ । कक्षा १ मा अध्ययनरत ७ वर्षीया र कक्षा ३ मा अध्ययनरत ९ वर्षीया बालिकामाथि ४३ वर्षीय शिक्षक टेकेन्द्र दाहालले जबरजस्ती करणी गरेको प्रहरीले जनाएको छ ।

ZenTravel

दसैं अघिदेखि मिनी बोडर्समा पढ्दै गरेका दुवै बालिकालाई दाहालले करणी गरेको प्रहरीले जनाएको छ । परिवारसहित बोडर्समै बस्दै आएका शिक्षक दाहालले पत्नी बाहिर गएका बेला दुवै बालिकालाई पटक–पटक करणी गरेको जनाइएको छ ।

Meroghar


घटना सार्वजनिक भएपछि गत असोज २८ गते शिक्षक दाहाललाई इलाका प्रहरी कार्यालय ढल्केबरले पक्राउ गरेको प्रहरी निरीक्षक रामकुमार यादवले बताए ।

कसैलाई भने ज्यान मारदिने धम्की दिँदै आएका कारण पीडित बालिकाहरूले घटना गोप्य राखेका थिए । छात्राले अभिभावकलाई गुनासो सुनाएपछि स्थानीय केही व्यक्तिले शिक्षक दाहाललाई कुटपिट गरेका थिए ।

प्रहरी निरीक्षक यादवका अनुसार पीडित बालिका र शिक्षक दाहालको जनकपुर अञ्चल अस्पतालमा स्वास्थ्य परीक्षण गराएर अनुसन्धान भइरहेको छ ।

प्रकाशित : कार्तिक २, २०७६ ११:०७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

टिपरको ठक्करले बालकको मृत्यु

कान्तिपुर संवाददाता

महोत्तरी — टिपरको ठक्करबाट बालकको मुत्युपछि स्थानीयले माईस्थान–गौशाला–समसी सडक खण्ड शुक्रबार बिहानैदेखि बन्द गरे । गौशालाबाट बालुवा बोकेर समसीतर्फ जाँदै गरेको ज१च ४६६ नम्बरको टिपरको ठक्करबाट समसी १ पर्सादेवाडका ११ वर्षे बकास शेखको घटनास्थलमै मृत्यु भएको हो । 

समसीस्थित सशस्त्र प्रहरी बोर्डर आउट पोस्टका सशस्त्र निरीक्षक नमराज पुडासैनीका अनुसार चालकलाई कारबाही र मृतक परिवारलाई क्षतिपूर्ति माग राख्दै स्थानीयले ठाउँ–ठाउँमा ढुंगामुढा तेर्‍स्याएर तथा टायर बालेर सडक ठप्प पारेका थिए । भारतीय सीमालाई पूर्वपश्चिम राजमार्ग जोड्ने सडक अवरोधका कारण सयौं यात्रु तथा सवारी अलपत्र छन् ।

स्थानीयले घटनामा संलग्न टिपर र सहचालकलाई नियन्त्रणमा लिएर बालकको शवलाई सडकमै राखेर प्रदर्शन गरेका थिए । चालकले ठाउँमा खलासीले गाडी चलाएकाले दुर्घटना भएको स्थानीयको आरोप छ । चालक भने फरार भएको जनाइएको छ । प्रत्यक्षदर्शीका अनुसार घटनालगत्तै सहचालकलाई स्थानीयले निर्घात कुटपिट गरेका थिए ।

वडाध्यक्ष विपिन यादवका अनुसार पुरानो घटनाका कारण गाउँलेले सडक खुलाउन नमानेका हुन । गत पुस २९ गते पनि सोही ठाउँका ८ वर्षीय मोहमद सद्दामको टिपरको ठक्करबाट मृत्यु भएको थियो । प्रशासनले तत्काल क्षतिपूर्ति दिलाउने र दोषिमाथि कारबाही गर्ने आश्वासनको विश्वासमा गाउँलेले नियन्त्रणमा लिएका टिपर र चालकलाई प्रहरीको जिम्मा लगाई सडक खुलाएका थिए ।

‘घटनाको यतिका दिन बित्दा पनि मृतक परिवारले क्षतिपूर्ति पाएका छैनन्,’ वडाध्यक्षय यादवले भने, ‘सोही कारण माग पूरा नभएसम्म सडक खोल्न नदिने गाउँलेले अडान लिएका हुन् ।’

महोत्तरीका प्रहरी उपरीक्षक श्यामकृष्ण अधिकारीका अनुसार सडक खुलाउन जनप्रतिनिधि, गाउँले, पीडितका आफन्त र सुरक्षाकर्मीबीच छलफल भएको छ ।

भारतीय सहयोगमा निर्माणाधीन उक्त हुलाकी सडक खण्डमा पर्ने पर्सा गाउँमा अतिक्रमण गरी बनाइएका घर खाली नगर्दा साँघुरो बनेको सडकका कारण दुर्घटना हुने गरेको स्थानीय स्विकार्छन् ।

प्रकाशित : कार्तिक २, २०७६ ११:०६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×