आगलागीबाट ५ घर जले
राजविराज — सप्तरीको बोदेबरसाईन-३ गौरामा शनिवार आगलागी हुँदा ५ घर जलेको छन् । आगलागीबाट ७ लाख बढीको क्षति भएको अनुमान गरिएको छ ।
स्थानीय राशिन्द्र यादवको घरमा विद्युत सर्ट भएर आगो फैलिएको थियो । यादवको घर सहित छिमेकीहरू जयनारायण यादव, काशिन्द्र यादव, ध्रुब कुमार यादव र जागेश्वर यादवको घर आगलागीका कारण जलेर नष्ट भएको छ ।
आगलागीमा अन्नपात, लत्ताकपडा, भाडावर्तन, कुखुराको चल्ला लगायतका सरसामान पूर्णरूपमा जलेर नष्ट भउको पीडितहरुले बताएका छन् ।
राजविराज र शम्भुनाथ नगरपालिकाबाट आएको वारूणयन्त्र, नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा आगलागी नियन्त्रणमा लिइएको थियो ।
आगलागीबाट कुनै मानवीय क्षति भएको छैन ।
प्रकाशित : जेष्ठ १८, २०७६ १२:२६प्रतिक्रिया