खडक र सन्तोषीलाई उपाधि

गत वर्ष पनि दोस्रो भएका आर्मीकै नरेन्द्र रावत यसपटक पनि दोस्रो भए । उनले २ घण्टा २२ मिनेट २९ सेकेन्डमा निर्धारित दुरी पार गरे । आर्मीकै मोहनदेव जोशी २ घन्टा २४ मिनेट ३६ सेकेन्डमा दुरी पार गर्दै तेस्रो भए । २ घन्टा ४१ मिनेट ५७ सेकेन्डमा दुरी पार गर्दै कमलराज तिमलसेना चौथो भए ।

उपाधिसँगै खडकले १ लाख ५० हजार रुपैयाँ, पदक र प्रमाणपत्र प्राप्त गरेका छन् । दोस्रो भएको नरेन्द्रले ६० हजार, तेस्रो भएको मोहनदेवले ३० हजार, चौथो भएको कमल राजले १५ हजार रुपैयाँ हात पारे । वाग्मती प्रदेशकी सन्तोषी श्रेष्ठले आठौं संस्करणको धारा नेपालगन्ज म्याराथन अन्तर्गत महिला हाफ म्याराथनको उपाधि जितेकी छन् । नवौं राष्ट्रिय खेलकुदकी दोहोरो स्वर्णधारी (५ हजार र १० हजार) मिटरकी च्याम्पियन सन्तोषीले २१ किमिको दुरी १ घन्टा १६ मिनेट ४१ सेकेन्डमा पूरा गर्दै उपाधि जित्न सफल भएकी हुन् ।

सान्तोषी सातौं संस्करणको पनि च्याम्पियन हुन् । उनले त्यसबेला १ घण्टा १८ मिनेट ४८ सेकेन्डको समय निकालेकी थिइन् । भारतकी अन्जली चौहानले १ घण्टा २५ मिनेट १५ सेकेन्डमा दुरी पार गर्दै दोस्रो हुन सफल भइन् । अन्जु खड्काले १ घण्टा ३६ मिनेट ४४ सेकेन्डमा दुरी पार गर्दै तेस्रो भइन् ।

च्याम्पियन बनेकी सन्तोषीले ६० हजार रुपैयाँ, पदक र प्रमाण पत्र प्राप्त गर्नेछिन् । दोस्रो भएकी अन्जलीले ३० हजार रुपैयाँ र तेस्रो भएकी अन्जुले १५ हजार रुपैयाँ प्राप्त गर्नेछन् । चौथोले १० हजार, पाँचौंले ८ हजार, छैटौंले ७ हजार, सातौंले ६ हजार र आठौंले ५ हजार रुपैयाँ हात पार्नेछन् ।

५ किलोमिटर खुल्ला (महिला) मा पुलिसकी राजपुरा पछाई प्रथम, राममाया बुढा दोस्रो र विमला कार्की तेस्रो भइन् । उनीहरुले क्रमशः १५ हजार, १० हजार र ७ हजार रुपैयाँ प्राप्त गर्नेछन् ।

आठौं म्याराथन संस्करणका लागि यसपटक भारतीय खेलाडीसमेत सहभागी भएका छन् । यो पटकदेखि आयोजकले १ लाख १० हजार पुरस्कार राशि बढाएर १ लाख ५० हजार रुपैयाँ पुर्‍याएको छ । नेपालगन्ज म्याराथन एसोसिएसन अफ इन्टरनेसनल म्याराथन्स एन्ड डिस्टेन्स रेसेस (एम्स)ले मान्यता दिएको आधिकारिक रुटमा आयोजना भएको हो । यो एम्सको वार्षिक क्यालेन्डरमा उल्लेख भएको नेपालको एक मात्र म्याराथन प्रतियोगिता हो ।