कान्तिपुर वेबसाईट
AdvertisementAdvertisement

एमसीसी विरोधमा भएको प्रदर्शनमा झडप [तस्बिरहरु]

तस्बिर : अनिस रेग्मी

काठमाडौँ — अमेरिकी मिलिनियम च्यालेन्ज कर्पोरेसन (एमसीसी)को विरोधमा मंगलबार नयाँ बानेश्वरस्थित संघीय संसद् भवन बाहिर प्रदर्शन भयो । नेत्रविक्रम चन्द नेतृत्वको नेकपा, विश्वभक्त दुलाल 'आहूति' नेतृत्वको वैज्ञानिक समाजवादी पार्टीलगायत ६ वटा कम्युनिस्ट दलका नेताहरूले संयुक्त रुपमा प्रदर्शन गरेका हुन् ।

प्रदर्शनको क्रममा प्रहरीसँग झडप भएको छ । राष्ट्रिय झन्डा, पार्टीको झन्डा र एमसीसी विरोधी नारा लेखिएका प्लेकार्ड बोकेका युवाहरूसँग प्रहरीको झडप भएको थियो ।ठूलो संख्यामा सहभागी भएका प्रदर्शनकारीहरूमध्ये केहीलाई प्रहरीले पक्राउसमेत गरेको छ । झडपको क्रममा केही प्रदर्शनकारी घाइते समेत भए । यसअघि सोमबार पनि विभिन्न साना दलहरूले एमसीसीको विरोध गर्दै एमसीए कार्यालय घेराउ गरेका थिए ।


प्रकाशित : मंसिर २८, २०७८ १७:३२
प्रतिक्रिया
पठाउनुहोस्

खाली ग्यासका सिलिन्डर बोकेर मूल्यवृद्धिको विरोध [फोटोफिचर]

तस्बिर : अनिस रेग्मी

काठमाडौँ — पेट्रोलियम पदार्थको मूल्यवृद्धिको विरोधमा सत्तारुढ दल सम्बद्ध विद्यार्थी संगठनहरूले प्रदर्शन गरेका छन् । काठमाडौंको प्रदर्शनी मार्गस्थित रत्न राज्यलक्ष्मी क्याम्पस अगाडि उनीहरूले खाली ग्यासको सिलिन्डर टाउकोमा बोकेर प्रदर्शन गरेका थिए ।

माओवादी केन्द्र, नेकपा एकीकृत समाजवादी, जनता समाजवादी पार्टी सम्बद्धसहित विभिन्न ६ विद्यार्थी संगठनका विद्यार्थी नेता तथा कार्यकर्ताहरूले प्रदर्शन गरेका हुन् । आयल निगमका कार्यकारी निर्देशकको बर्खास्ती, मूल्यवृद्धि फिर्ता लगायतका माग राख्दै उनीहरूले प्रदर्शन गरेका हुन् ।

प्रदर्शनको क्रममा उनीहरूले खाली ग्यासका सिलिन्डरमा 'बल्न देउ मलाई', 'गरिब जनताको घरमा म कसरी बल्ने' जस्ता सांकेतिक नारा लेखेर सरकारको विरोध जनाएका थिए । साथै केही वद्यार्थी प्रदर्शनकारीले थाल ठटाउँदै नारावाजीसमेत गरेका थिए ।

प्रकाशित : कार्तिक २८, २०७८ १५:४३
पूरा पढ्नुहोस्
प्रतिक्रिया
पठाउनुहोस्
×