कान्तिपुर वेबसाईट
AdvertisementAdvertisement

अझै कत्ति सहने ? भन्दै देशभर किशोरीहरुको प्रदर्शन [तस्बिरहरु]

तस्बिर : केशव थापा

काठमाडौँ — महिला हिंसा र बलात्कारका घटनाविरुद्ध शनिबार देशभर किशोरीहरुले प्रदर्शन गरेका छन् । विभिन्न क्षेत्रमा आबद्ध किशोरीहरुले कालो पहिरन, कालो पट्टी बाँधेर, प्लेकार्ड तथा ब्यानरसहित दिउँसो ३ बजे काठमाडौं उपत्यकासहित विभिन्न जिल्लामा प्रदर्शन गरेका हुन् । 

राजाधानीको माइतीघर मण्डलामा अझै कत्ति सहने ? स्वतन्त्र अभियानद्वारा प्रदर्शन आयोजना गरिएको थियो । सातै प्रदेशका करिब ५० जिल्लामा शनिबार दिउँसो ३ बजे एकैचोटी 'फ्ल्यास मब' गर्दै महिला हिंसा र बलात्कारविरुद्ध आवाज उठाइएको कार्यक्रम संयोजक भावना राउतले बताइन् ।


प्रकाशित : कार्तिक २२, २०७७ १७:१८
प्रतिक्रिया
पठाउनुहोस्

बलात्कारविरुद्ध कालो पोसाक लगाएर गोरखामा किशोरीहरुको प्रदर्शन

हरिराम उप्रेती

गोरखा — बलात्कारविरुद्व कालो पोसाक लगाएर किशोरीहरुले गोरखा सदरमुकाममा प्रदर्शन गरेका छन् । उनीहरुले कालोपट्टि, कालो मास्क र कालै पहिरन लगाएका थिए । 

पछिल्लो समय बलात्कारका घटना बढ्दै गएकोममा चिन्ता जनाउँदै उनीहरुले 'अझै कति सहने', 'स्टप रेप', 'घरभित्रै पनि होसियार', 'हामी चुप कहिलेसम्म' लगायतका नारा लेखिएका प्लेकार्डसहित हरमटारी चोकमा प्रदर्शन गरे ।

बलात्कारका घटना बढे पनि दोषीलाई कारबाही हुन नसकेको प्रदर्शनमा सहभागी सुमित्रा मग्रातीले बताइन् । ‘गोरखामा पहिलो पटक बलात्कारविरुद्ध कार्यक्रम गरेका हौं,’ उनले भनिन्,‘पीडितलाई न्याय र पीडकलाई कारबाहीका लागि दबाब दिन पनि यो कार्यक्रमलाई अब निरन्तरता दिन्छौं ।’ पीडित १८ वर्षभन्दा माथिको भए जन्मकैद र १८ वर्ष मुनिको भए मुलुकी अपराध संहिता २०७४ बमोजिम आजीवन कारबास हुनुपर्ने उनले बताइन् ।

प्रकाशित : कार्तिक २२, २०७७ १६:५४
पूरा पढ्नुहोस्
प्रतिक्रिया
पठाउनुहोस्
×