कान्तिपुर वेबसाईट
AdvertisementAdvertisement

हेर्नुहोस् पानी भरेपछि रानीपोखरीको रुप [तस्बिरहरु]

तस्बिर : दीपक केसी

काठमाडौँ — राष्ट्रिय पुनर्निर्माण प्राधिकरणले रानी पोखरीको पुनर्निर्माणको कार्य एक हप्ताभित्र सकिने जनाएको छ । प्राधिकरणका सीईओ सुशील ज्ञवालीले एक साताभित्र पोखरीको पुनर्निर्माणको पहिलो चरणको कार्य सम्पन्न हुने बताएका हुन् ।

पोखरीको पहिलो तह(लेयर)मा पानी भर्ने कार्य आइतबारसम्ममा सकिने उनले बताए । पोखरीमा मेलम्ची खानेपानी आयोजनाको पाइप प्रयोग गरेर पानी भरिएको ज्ञवालीले कान्तिपुरलाई बताए ।

यस्तै मन्दिरको पुनर्निर्माण कार्य पनि सकिन लागेको उनले बताए । 'मन्दिरको गुजरको काम सुरु भइसकेको,' ज्ञवालीले कान्तिपुरसित भने,'एक हप्ताभित्र सुनको लेपन लगाइसकेपछि पुनर्निर्माण कार्य सम्पन्न हुनेछ ।' पहिलो चरणको काम सकिएपछि दोस्रो चरणको कार्य पनि सुरु गरिने उनले बताए ।

पोखरीमा ३ करोड लिटर पानी भरिने रानी पोखरी पुर्निर्माण उपभोक्ता समितिका सचिव रोशनकाजी तुलाधारले कान्तिपुरलाई बताए । पोखरीको ३ वटै तहमा करिब १४ करोड लिटर पानी अट्छ । अहिले भरिएको पानी स्थिर भएपछि विस्तारै अन्य तहहरुमा पानी भरिने बताइएको छ । सचिव तुलाधारका अनुसार पोखरीको उद्घाटन चाँडै नै हुनेछ । यस वर्षको भाइटिकाबाट पोखरी पूर्ण रुपमा खुला हुने उनले बताए ।


प्रकाशित : आश्विन ३, २०७७ २०:२३
प्रतिक्रिया
पठाउनुहोस्

कन्ट्याक्ट ट्रेसिङमा परेकाहरूकाे गरियाे पीसीआर परीक्षण

तस्बिर : दीपक केसी

काठमाडौँ — काठमाडौं महानगरपालिकाका विभिन्न ठाउँमा कोरोना संक्रमित बढ्दै गएपछि स्थानीय निकायहरूले पीसीआर परीक्षण सुरु गरेका छन् । कोरोना संक्रमितहरूको व्यवस्थापन गर्न मंगलबार काठमाडौं महानगरपालिका–१० स्थित रत्नराज्य स्कुलमा पीसीआर परीक्षण गरिएको छ ।

काठमाडौं महानगरपालिकाको बानेश्वर क्षेत्र पनि हटस्पटमध्ये एक हुँदै गएकाले कन्ट्याक्ट ट्रेसिङमा परेकाहरूको सूचि बनाएर परीक्षण गरिएको वडाध्यक्ष रामकुमार केसीले बताए ।

अहिलेसम्म चार वटा क्याम्प सञ्चालन गरि ६ सय जनाको परीक्षण गरिसकेको र पछि परिस्थितिको मूल्यंकन गरेर यसको दायरा बढाउने पनि उनले बताए ।

मंगलबार रत्नराज्यमा सय जनाजतिको परीक्षण गरिएको वडा अध्यक्ष केसीले बताए ।

प्रकाशित : भाद्र २३, २०७७ १७:२०
पूरा पढ्नुहोस्
प्रतिक्रिया
पठाउनुहोस्
×