कान्तिपुर वेबसाईट
AdvertisementAdvertisement

उपत्यकामा गुड्न थाले बस [तस्बिरहरु]

तस्बिर : अंगद ढकाल

काठमाडौँ — काठमाडौं उपत्यकाका सडकमा फाट्टफुट्ट सार्वजनिक बस चल्न थालेका छन् । सोमबार मयुर यातायात, संयुक्त यातायात, मनमैंजु यातायात लगायतका केही बस चलेका हुन् ।

बस चलेपनि तिनमा सवार यात्रुको संख्या भने न्यून थियो । बसहरुमा सेनिटाइजरको पनि व्यवस्था गरिएको छ । यात्रुहरुले दूरी कायम गरी यात्रा गरेका छन् ।

सरकारले गत शुक्रबार सुरक्षा मापदण्ड अपनाउँदै ५० प्रतिशत यात्रु राखी सार्वजनिक सवारी साधन चलाउन मिल्ने बताएको थियो ।


प्रकाशित : असार २९, २०७७ १४:५२
प्रतिक्रिया
पठाउनुहोस्

२१ वर्षीया गर्भवतीको हेलिकप्‍टर मार्फत उद्धार

मेनुका ढुंगाना

अछाम — नेपाली सेनाको हेलिकप्टर मार्फत अछाममा २१ वर्षीया गर्भवतीको उद्धार गरिएको छ । पंचदेवल विनायक नगरपालिका-७ की रमना विकलाई जिल्ला अस्पताल मंगलसेनबाट हेलिकप्टर मार्फत सुर्खेत पठाइएको जिल्ला अस्पतालका डाक्टर प्रेमप्रसाद ढुंगानाले बताए । 

विनायक स्वास्थ्य चौकीमा प्रसूति हुन नसकेपछि उनलाई आइतबार राति जिल्ला अस्पताल पुर्‍याइएको थियो । उच्च रक्तचाप लगायत समस्या देखिएपछि उनलाई सुर्खेत पठाइएको ढुंगानाले बताए । जिल्ला अस्पताल अछाममा शल्यक्रिया सेवा उपलब्ध छैन ।

सरकारको दुर्गम क्षेत्रमा ज्यान जोखिममा परेका गर्भवती र सुत्केरीको हवाई उद्धार कार्यक्रम अन्तर्गत अहिलेसम्म अछाममा ५ जनाको उद्धार गरिएको प्रमुख जिल्ला अधिकारी पुण्य विक्रम पौडेलले जानकारी दिए ।

प्रकाशित : असार २९, २०७७ १४:४५
पूरा पढ्नुहोस्
प्रतिक्रिया
पठाउनुहोस्
×