असार १५, धेरै स्थानमा रोपाई (फोटोफिचर)

कान्तिपुर संवाददाता

काठमाडौँ — असार । मानो रोपेर मुरी फलाउने महिना । असार १५ त धान दिवस । पछिल्ला वर्षहरुमा यस दिनलाई धान रोप्ने र हिलो खेल्ने दिवसकै रुपमा मनाउन थालिएको छ । यसपालिको असार १५ मा पनि आज धेरै ठाउँमा धान रोपियो । नेता मन्त्रीहरु पनि हिलोमा उत्रिए । कृषि मन्त्री घनश्याम भुसालले उदयपुरमा पुगेर धान रोपे भने अन्य प्रदेशका मन्त्रीहरुले पनि हिलोमा पाइला हाले । कान्तिपुर संवाददाताहरुले देशका विभिन्न स्थानबाट पठाएका रोपाईका तस्बिरहरु :

तस्बिरहरु : अंगद ढकाल (काठमाडौं), इलिट जोशी (काठमाडौं), रमेशकुमार पौडेल (चितवन), राजबहादुर शाही (मुगु), बसन्तप्रताप सिंह (बझाङ), भीमबहादुर सिंह (जाजरकोट), डिल्लीराम खतिवडा (उदयपुर)


प्रकाशित : असार १५, २०७७ १९:५१
प्रतिक्रिया
पठाउनुहोस्

जंगली च्याउ खाँदा एकै परिवारका ५ बिरामी

कान्तिपुर संवाददाता

गोरखा — जंगली च्याउ खाँदा आरुघाट गाउँपालिका–४ थुमिस्थित जामुनेका एकै परिवारका ५ जना बिरामी परेका छन् । घरधनी गाइने विक, उनको श्रीमती, छोरा र दुई छोरी बिरामी भएको आरुघाट गाउँपालिका–४ का वडाध्यक्ष कृष्णबहादुर धमलाले बताए ।

‘प्रधानमन्त्री रोजगार कार्यक्रमअन्तर्गत हाम्रो वडामा पनि भइरहेको छ, त्यहाँ काम गर्न आएको बेला घरमुली गाइनेले च्याउको तरकारी खाएको र असजिलो महसुस भएको सँगैको साथीलाई भनेका रहेछन्, उहाँ केहीबेरमा ढल्नु पनि भएछ,’उनले भने,‘पछि घरमा गएर हेर्दा सबै जना बिरामी परेको पायौं ।’ वाकवाक गर्ने, रिङ्गाटा लाग्ने समस्या उनीहरुमा देखिएको उनले बताए ।

गाउँलेको सहयोगमा पाँचै जनालाई आर्खेत ल्याएर मेडिकलमा सामान्य उपचार गरेर आरुघाट हेल्थ पोष्ट पठाइएको धमलाले बताए ।

प्रकाशित : असार १५, २०७७ १९:३२
पूरा पढ्नुहोस्
प्रतिक्रिया
पठाउनुहोस्
×