वर्षौंपछि हराभरा सल्यानटार

तस्बिर : हरिहरसिंह राठौर

धादिङ — मानवीय बस्ती र अन्न उत्पादनका दृष्टिकोणले देशका सबैभन्दा ठूला टारहरु मध्यको एक हो-धादिङको सल्यानटार । अघिल्ला वर्षहरुका गर्मी मौसममा सल्यानटार उराठलाग्दो र उजाड हुन्थ्यो । सिँचाई अभावका कारण घरछेउछाउका जग्गामा घैया धान र मास छर्ने सल्यानटारवासीहरुले यसपाला त्यसो गरेनन् ।

कोरोना महामारी नियन्त्रणमा सरकारले लकडाउन गरे पछि काम विशेषले घरबाहिर रहेका युवाहरु पनि फर्केका छन् । कृषिमा उपयुक्त जनशक्ति नभएका कारण वर्षौसम्म बाँझो जग्गा यसपाला खेती गरिएकोछ । सल्यानटारमा रहेको रातोमाटोमा फलेको मास देश/विदेशमा समेत लोकप्रिय छ ।

बुढीगण्डकी तथा नेत्रावती नदीको बीचमा रहेको सल्यानटार उत्तर दक्षिण फैलिएर छेउदेखि टुप्पो सम्म १४ किलोमिटर लम्बाई र ४ किमी सम्म चौडाई छ । करिव ३ हजार घरधुरी रहेको सल्यानटार प्रस्तावित बुढीगण्डकी जलविद्युत आयोजनाको जलाशयको किनारमा पर्ने भएपछि अधिकांश जग्गा बेचविखन भइसकेको छ ।

सल्यानटार लगायत स्थानीय तहका लागी आगामी आर्थिक वर्षमा कृषि उत्पादन र स्वास्थ्य क्षेत्रमा जोड दिने बजेट पर्याप्त विनियोजन गरिने त्रिपुरासुन्दरी गाउँपालिका अध्यक्ष शम्भुकुमार थापाले बताए ।


प्रकाशित : जेष्ठ २५, २०७७ १८:१४
प्रतिक्रिया
पठाउनुहोस्

एकता कपुरलाई बलात्कारको धम्की

कान्तिपुर संवाददाता

काठमाडौँ — विवादित वेब सिरिज 'त्रिपल- अनसेन्सर्ड' का कारण अहिले बलिउड निर्मात्री एकता कपुरलाई बलात्कारको धम्की आउन थालेको छ ।

अल्ट बालाजीसँग मिलेर उनले निर्माण गरेको वेब सिरिजको एक दृश्यमा सेनालाई अपमान गरेको भन्दै धेरैले सामाजिक सञ्जालमा उनको विरोध गरेका छन् ।

कतिले सिरिज नै बन्द गर्नुपर्ने टिप्पणी दिएका छन् । केही दिनअघि एकताविरुद्ध युट्युबर विकास पाठकले सिरिजको उक्त दृश्यलाई लिएर प्रहरीमा उजुरीसमेत गरेका थिए ।

सेनाको पहिरनलाई इरोटिक दृश्यमा प्रस्तुत गरेकै कारण अहिले उनलाई सामाजिक सञ्जालमा बलात्कारको धम्की आउन थालेको 'हिन्दुस्तान टाइम्स' मा उल्लेख छ । 'यो महान मानिस जो आफूलाई देशभक्त ठान्छ । उसले मेरो आमा र मलाई दुर्व्यवहार गरेको छ । सामाजिक सञ्जालमा खुलेआम बलात्कार गर्ने धम्की दिइसकेको छ,' उनले भारतीय मिडियालाई भनेकी छिन्, 'यो अब आर्मीको विषयवस्तु वा सेक्सुअल कन्टेन्टको मात्र कुरा भएन । सेक्सुअल कन्टेन्ट बनाएको आधारमा 'एक महिलालाई बलात्कार गर्नु, उसको छोराको बलात्कार अनि उसको ७१ वर्षिया आमाको बलात्कार गर्नु' भन्ने विचारको अर्थ त यौन खराब हो तर बलात्कार चाहीँ ठिक्कै छ भन्ने हो नि ।'

एकताले उक्त दृश्य सिरिजबाट हटाउनु र माफी माग्नु आफ्नो लागि ठूलो विषय नै नभएको बताएकी छिन् । उक्त विवादित दृश्य केही दिन अघि नै सिरिजबाट हटाइसकेको छ । सामाजिक सञ्जालमा यसरी बलात्कारको धम्की आउन थालेपछि एकताले 'साइबर बुलिङ' विरुद्ध खडा हुने सोचेकी छिन् । 'यदि उनीहरुले आज मेरो नांगो तस्बिर इन्टरनेटमा सार्वजनिक गर्छु भन्न सक्छ भने भोलि अन्य महिलालाई जे पनि गर्न सक्छ,' उनले भनिन् ।

कुनै सेनाको संस्थाले नै माफी माग्नु पर्ने कुरा गरेमा आफू पछाडि नहट्ने एकता बताउँछिन् । तर एउटा सेक्सुअल कन्टेन्टकै आधारमा साइबर बुलिङ र बलात्कारको धम्की सहन नसकिने उनको तर्क छ ।

प्रकाशित : जेष्ठ २५, २०७७ १८:१३
पूरा पढ्नुहोस्
प्रतिक्रिया
पठाउनुहोस्
×