उधौलीको रमझममा किराँतीहरु (तस्बिरहरु)

किराँती जातिभित्रका लिम्बु, याक्खा, कोइँच (सुनुवार) र राईले सामूहिक पूजाआजासहित नाचगान गरेका हुन् । ढोल, झ्याम्टा, च्याब्रुङलगायत बाजा बजाउँदै हातमा चमर, सेउली हल्लाउँदै महिला र पुरुषहरू पंक्तिबद्ध भएर नाच्ने गर्दछन् । उधौली चाडलाई चासोक तङनाम, चासुवा, फोलस्याँदर, साकेलालगायत नामले पनि चिनिन्छ । यो चाड पूर्वी पहाडका ओल्लो किराँत, माझ किराँत र पल्लो किरात प्रदेशमा धुमधामसाथ महिना दिनसम्म पूजाआजा गर्ने तथा नाचगान गर्ने गर्दछन् । विदेशमा रहेकाहरूले समेत सामूहिक भेला भएर नाच प्रदर्शन गर्दछन् ।