कान्तिपुर वेबसाईट
AdvertisementAdvertisement

आँखै अगाडि हिमाल

तस्बिरः कञ्चन अधिकारी

काठमाडौँ — बुधबार बिहान ६ बजे। त्रिभुवन विमानस्थलको आन्तरिक टर्मिनल भवनमा स्वदेशी तथा विदेशी यात्रुको भीड। कोही नाम्चे, कोही पोखरा त कोही विराटनगर, कोही माउन्टेन फ्लाइटका लागि जहाज कुरिबसेका। 'अफ सिजन' भएपनि पर्यटक खचाखच छन् अहिले।

हिमाल: लाङटाङ लिरुङ

त्यसमाथि नेपालले सन् २०२० लाई नेपाल भ्रमण वर्षको रुपमा मनाइरहेको छ । जतिसक्दो विदेशी पाहुना नेपाल भित्र्याउनु छ । धेरैको ध्यान विदेशी पर्यटक भित्र्याउन भएपनि नेपालका केही व्यवसायी भने 'पहिला देश अनि विदेश' भन्दै नेपालीहरुलाई पनि घुमघाममा तानिरहेका छन् ।

हिमाल: दोर्जे लाक्पा

ट्रेकिङ, हाइकिङ, क्यानोइङ लगायतका सहासिक पर्यटनमा नेपाली जान थालेपनि माउन्टेन फ्लाइटमा भने कमै नेपाली जाने गरेका छन् । कारण- महँगो शुल्क । तर भ्रमण डट कमले भने बुद्ध एयरसँग मिलेर पारिवारिक माउन्टेन फ्लाइट प्याकेज ल्याएको छ । जसमा जोडी वा परिवारसँग जाँदा आँखै अगाडि २० वटा भन्दा बढी हिमाल देख्न सकिन्छ ।

माउन्टेन फ्लाइटका क्रममा हिमचुलीदेखि मकालुसम्मको हिमश्रृंखला देख्न सकिन्छ ।

हिमाल : मेलुङत्से

लाङटाङ रेन्ज

लाङटाङ रेन्ज

हिमाल : पुमरी

हिमाल : सगरमाथा र नुप्त्से

हिमाल : सगरमाथा

हिमाल : गौरीशंकर हिमाल


प्रकाशित : माघ १, २०७६ १७:२१
प्रतिक्रिया
पठाउनुहोस्

नयाँ चिनियाँ भाइरस फैलनसक्ने भन्दै विश्वभरका अस्पताललाई सजग रहन डब्लूएचओको आग्रह

रोयटर्स

जेनेभा — विश्व स्वास्थ्य संगठनले चीनको वुहान सहरमा देखिएको नयाँ प्रकारको कोरोनाभाइरस त्यहाँ महामारीको रुपमा फैलिएको हुनसक्ने आशंका गरेको छ । कोरोनाभाइरस यस्तो प्रकारको भाइरस हो जसले सामान्य रुघाखोकीदेखि सार्स जस्तो जटिल संक्रमण हुनसक्दछ ।

थाइल्याण्डमा नयाँ प्रकारको स्ट्रेनसहितको कोरोनाभाइरस भेटिएपछि एक चिनियाँ महिलालाई त्यहाँका अधिकारीहरुले क्वारेन्टाइनमा राखेर उपचार गरिरहेका छन् । थाइ अधिकारीका अनुसार चीनभन्दा बाहिर यसप्रकारको भाइरस भेटिएको यो पहिलो घटना हो ।

चीनको केन्द्रमा रहेको वुहान सहरमा ४१ जना निमोनिया भएका बिरामीको जाँच गर्दा सबैमा नयाँ प्रकारको कोरोनाभाइरस रहेको पत्ता लागेको थियो । जसमध्ये एकजनाको मृत्यु समेत भएको छ । त्यसपछि त्यहाँ कुनै नयाँ बिरामी नभेटिएको वुहानका स्वास्थ्य अधिकारीहरुले दाबी गरेका छन् ।

'हामीसँग भएको सूचना अनुसार हाल यो मान्छे–मान्छेमा मात्रै सरेको देखिएको छ, त्यो पनि आफ्नै परिवार भित्र । र, यो अन्यत्र फैलिएको छैन भन्ने देखिन्छ,' विश्व स्वास्थ्य संगठनको नयाँ रोग विभागकी कायममुकायम प्रमुख मारिया भान केखोभले भनिन् ।

यद्यपी विश्व स्वास्थ्य संगठनले भने यो अझै ठूलो संख्यामा फैलिएको हुनसक्ने आशंका जेनेभामा मंगलबार भएको प्रेस ब्रिफिङमा बताएको थियो । 'अहिले सुरुवाती अवस्था रहेकोले केही ठोकुवा गर्न मिल्ने स्थिति छैन,' ब्रिफिङमा भनिएको थियो ।

विश्व स्वास्थ्य संगठनले संसारभरका अस्पतालहरुलाई उक्त संक्रमणका बारे जानकारी दिँदै भाइरस देखिएमा त्यसलाई फैलन नदिने उपाय अपनाउन आग्रह गरेको छ । यो नयाँ भाइरसका लागि कुनै यकिन उपचार नभएपनि एन्टीभाइरल औषधिहरुले नै काम गर्नसक्ने अनुमान गरिएको छ ।

चिनियाँ नयाँ वर्ष नजिकिँदै गर्दा सो समयमा घुम्न निस्कने चिनियाँ पर्यटकहरुबाट रोग फैलनसक्ने आशंका विश्व स्वास्थ्य संगठनले गर्दै विशेष गरेर थाइल्याण्डका अधिकारीहरुलाई उच्च सतर्कता अप्नाउन सुझाएको छ । हालै वुहान भ्रमण गरेका जो कोहीलाई पनि रुघाखोकी र ज्वरो आए तत्काल स्वास्थ्यकर्मीलाई देखाउन पनि आग्रह गरिएको छ ।

प्रकाशित : माघ १, २०७६ १७:१७
पूरा पढ्नुहोस्
प्रतिक्रिया
पठाउनुहोस्
×