तस्बिरमा हेरौं, रेलले चर्चित केरुङ बजार

भूकम्पपछि चीनतर्फको केरुङ क्षेत्रमा तीव्र रूपमा भौतिक पूर्वाधारको विकास भइरहेको छ । चीन सरकारले रसुवागढी नाकालाई प्राथमिकतामा राखेर केरुङको विकास गरिरहेको छ । भूकम्प अघिसम्म सामान्य बजारमात्र रहेको केरुङमा अहिले निकै अग्ला–अग्ला आधुनिक भवन, घरहरु बनेका छन् । सरकारी कार्यलय थपिएका छन् । सामान गोदाम गर्नको लागि ठूला–ठूला ड्राइर्पोट निर्माण भइरहेको छ । नाकासम्म पुग्नको लागि दुई लेनको चिल्लो कालोपत्रे सडक निर्माण गरिएको छ ।

व्यापार व्ययावसायको कारण चहल पहल बढ्दै गएको छ । आन्तरिक तथा बाहृय पर्यटकहरु आउन थालेका छन् । सुविधा सम्पन्न होटलहरु निर्माण भएका छन्, बनिरहेका पनि छन् । केरुङ बजारलाई व्यवस्थित बनाउन झिलिमिली बत्ति राखिएको छ । सडक सफा राख्नुको साथै जेब्रा क्रस, ट्राफिक लाइट राखिएको छ । केरूङ बजारको ठूलो क्षेत्रमा पूर्वाधारको विकास तीव्रगतिमा भइरहेको छ । केरुङ बजारलाई नयाँ सिटीको रुपमा विकास गर्ने काम भएको छ । नेपालको रसुवागढी नाकाबाट केरुङसम्मको दूरी २४ किलोमिटर छ ।