अभ्यासमा नेपाली फुटबल टोली [फोटोफिचर]

शब्द/तस्बिर : हेमन्त श्रेष्ठ

सिड्नी, अस्ट्रेलिया — विश्वकप फुटबल छनोट र एसियन छनोट खेल्न नेपाली टोली अहिले अस्ट्रेलियाको सिड्नीमा छ । नेपालले बिहीबार अस्ट्रेलियासँग राजधानी क्यानबेरामा खेल्दै छ । नेपालले पहिलो पटक अस्ट्रेलियासँग खेल्न लागेको हो ।अस्ट्रेलियासँगको खेलको तयारीका लागि नेपाली फुटबल टोलीले सिड्नीमा बसेर अभ्यास गरिरहेको छ । नेपाली टोली बिहीबार नै सिड्नी आइपुगेको थियो । नेपालले सिड्नी स्पोर्टस एकेडेमीमा बसेर तयारी गरिरहेको छ ।

प्रकाशित : आश्विन १९, २०७६ १०:१३

आइतबारको प्रशिक्षणमा सबै नेपाली खेलाडी उपलब्ध थिए । इन्डोनेसियामा लिग खेलिरहेका रोहित चन्द शनिबार सिड्नी आइपुगेका हुन् । उनीसँगैं विदेशमा लिग खेलिरहेका कप्तान एवंम गोलरक्षक किरण चेम्जोङ र स्ट्राइकर विमल घर्तीमगर पनि नेपाली टोलीस“गैं सिड्नीमा रहेका छन् ।

नेपालले खेल्न लागेको अस्ट्रेलिया सबैभन्दा माथिल्लो वरीयताको टोली हो । फिफा विश्व वरीयतामा अस्ट्रेलिया ४३ औं र नेपाल १ सय ६१ औं स्थानमा छ ।अस्ट्रेलियाले छनोटचरणको पहिलो खेलमा कुवेतलाई उसैको मैदानमा ३—० ले पराजित गरेको थियो । नेपाल त्यही कुवेतस“ग उसैको मैदानमा ७—० गोलले पराजित भएको थियो । नेपालले दुई खेलमा एकमा विजय हात पारेको छ । नेपालले पछिल्लो खेलमा चाइनीज ताइपेइलाई २—० ले पराजित गरेको थियो । विश्वकप छनोटको इतिहासमा नेपालको त्यो पहिलो अवे विजय थियो ।

प्रतिक्रिया
पठाउनुहोस्

विराटनगरमा दसैंको चहलपहल [फोटोफिचर]

शब्द/तस्बिर : जितेन्द्र साह

विराटनगर — धुम्म परेको मौसम । बीचबीचमा झरी । ओहोरदोहोर गर्नै कठिन हुने निर्माणाधीन बाटो । तर, दसैं मनाउनेको उत्साहमा कुनै कमी आएको छैन । झिसमिसेदेखि मेला लाग्छ भने मठमन्दिर एवं सडकमा चहलपहल सुरु हुन्छ । मुलुककै दोस्रो ठूलो सहर विराटनगरको मन छुने दृश्यहरु हुन् यी ।

हुन त, उसै पनि यो सहरवासी धार्मिक, सांस्कृतिक र सामाजिक स्वभावका छन् । हरेक दिन सरसफाइ तथा ईश्वरकै आराधनाबाट दिनको सुरुआत गर्छन् । दसैं, तिहार र छठजस्ता चाडबाडको त झनै तन, मन एवं धनले स्वागत गर्छन् । सहरको साजसज्जामा कुनै कसर राख्दैनन् । घटस्थापनादेखि आरम्भ हुने चहलपहल सप्तमीदेखि उत्कर्षमा पुग्छ भने एकादशीसम्मै कायम रहन्छ ।

प्रकाशित : आश्विन १९, २०७६ १०:०१
पूरा पढ्नुहोस्
प्रतिक्रिया
पठाउनुहोस्