तस्बिरमा हेर्नुहोस्, विश्व आदिवासी दिवस

तस्बिर : केशव थापा

काठमाडौँ — २५ औं विश्व आदिवासी दिवस (९ अगस्ट) शुक्रबार विभिन्न कार्यक्रम गरी मनाइँदै छ । दिवसको अवसरमा नेपाल आदिवासी जनजाति महासंघले माइतीघर मण्डलामा औपचारिक कार्यक्रम आयोजना गरेको छ ।

प्रकाशित : श्रावण २४, २०७६ १६:३७

कार्यक्रममा नेपाल तामाङ घेदुङका अध्यक्ष मोहन गोले, नेपाल मगर संघका अध्यक्ष नवीन रोका मगर लगायतले बोलेका थिए । पूर्वप्रधानमन्त्री एवं समाजवादी पार्टीका संघीय परिषद् अध्यक्ष बाबुराम भट्टराई समेत कार्यक्रममा ऐक्यबद्धता जनाउन पुगे । औपचारिक कार्यक्रम सुरु हुनुअघि जनजातिले विभिन्न भेषभूषामा सजिएर भृकुटीमण्डपबाट साँस्कृतिक झाँकीसहितको र्‍याली निकालेका थिए ।

संयुक्त राष्ट्रसंघले यसपटक ‘आदिवासी भाषा वर्ष’ नारा तय गरेको छ । नेपालमा नारा एकातिर, आन्दोलन अर्कोतिर भएको छ । हजारौं वर्षदेखि कायम रहेका मातृभाषा लोपोन्मुख स्थितिमा पुगे पनि तिनको संरक्षण पहल भएको छैन । झन्डै सात दशकदेखि भाषा, संस्कृति, भूमि अधिकार लगायत मुद्दालाई लिएर आन्दोलन गर्दै आएका आदिवासी जनजातिले पछिल्लो दशक राजनीतिक, धार्मिक, सांस्कृतिक, सामाजिक समावेशीकरण र समानुपातिक प्रतिनिधित्वका मुद्दामा जोड दिएका छन् ।

यो वर्ष जनजाति महासंघले माइतीघर मण्डलमा विरोधसभासहित प्रदर्शन गरिरहँदा ओम गुरुङ नेतृत्वको अखिल नेपाल आदिवासी जनजाति महासंघले भने प्रदर्शनीमार्गस्थित राष्ट्रिय सभागृहमा सांस्कृतिक कार्यक्रम आयोजना गरेर दिवस मनाएको छ ।

ADVERTISEMENT
प्रतिक्रिया
पठाउनुहोस्
ADVERTISEMENT

सैनिक कल्याणकारी कोषमा ४४ अर्ब रुपैयाँ

रासस

काठमाडौँ — सैनिक कल्याणकारी कोषको नगद मौज्दात ३८ अर्ब ५७ करोड ६० लाख रुपैयाँ पुगेको छ । कोषमा विसं २०७५ असार मसान्तमा नगद मौज्दात ३५ अर्ब ७७ करोड २४ लाख रुपैयाँ रहेकामा त्यसपछिको अवधिमा दुई अर्ब ८० करोड ३६ लाख रुपैयाँ वृद्धि भएको कोषद्वारा शुक्रबार आयोजित पत्रकार सम्मेलनमा जानकारी दिइयो ।

कोषअन्तर्गत विभिन्न निकायमा असारसम्ममा भएको पाँच अर्ब ६४ करोड ३० लाख ४० हजार रुपैयाँ लगानीसमेत समावेश गर्दा कोषको यथार्थ सम्पत्ति ४४ अर्ब २१ करोड ९० लाख ४० हजार रुपैयाँ पुगेको कोषका निर्देशक सागरबहादुर केसीले जानकारी दिए ।

कोषको मुख्य आयस्रोतका रुपमा शान्ति सेनामा भाग लिएबापत प्राप्त हुने रकम, बैंक तथा वित्तिय संस्थामा निक्षेप गरिएको रकमबाट प्राप्त ब्याज र सेनाद्वारा सञ्चालित विद्यालय एवं कलेजबाट प्राप्त हुने शिक्षण शुल्क रहेका छन् । कल्याणकारी कोषले जोखिममा परेको रकम घटाएर पाँच करोड रुपैयाँबाट घटाएर दुई लाख ६६ हजार रुपैयाँमा झारेको छ । यसअघि जोखिममा रहेको रकम ८५ करोड रुपैयाँको हाराहारीमा थियो । कोष र अन्तर्गतका निकायको ५० करोड २३ लाख ८६ हजार रुपैयाँ बेरुजु रहेकामा अघिल्लो वर्ष नै ३० करोड ४० लाख ७३ हजार रुपैयाँ फछ्र्योट भएको र बाँकी पनि फछ्र्योटका क्रममा रहेको सो अवसरमा जानकारी दिइयो ।

कोषको मूल धनमा प्राप्त हुने ब्याजबाट हिताधिकारीको शिक्षा, स्वास्थ्य, सीप तथा स्वरोजगार र सुविधा तथा सहुलियतमा लगानी हुने गरेको छ । नेपाली सेनाले शान्तिस्थापनाका लागि संयुक्त राष्ट्र संघको आह्वानमा शान्ति सेनामा सहभागी भएबापत प्राप्त एक करोड २४ लाख एक हजार रुपैयाँबाट विसं २०३२ मा ‘बहुजन हिताय, बहुजन सुखाय’ को सोच राखी सो कोष स्थापना गरेको थियो ।

उक्त कोषको रकम मुलुकका विभिन्न २८ भन्दाबढी 'क' वर्गका बैंक तथा वित्तिय संस्थामा निक्षेप रहेको जानकारी दिइयो । सेनाले कल्याणकारी कोषमाफर्त सञ्चालन भएका कार्यक्रमबाट राज्यलाई वार्षिकरुपमा ४५ करोड रुपैयाँ राजश्व दिँदै आएको बताइएको छ ।

उक्त कोषमार्फत सञ्चालनमा रहेका विद्यालय तथा महाविद्यालयको नतिजा अन्य शिक्षण संस्थानको तुलनामा अब्बल रहेको सेनाको जिकिर छ । उक्त कोषमार्फतका कार्यक्रम सञ्चालन गर्न वार्षिक पाँच अर्ब रुपैयाँ खर्च हुने गरेको छ । ती कार्यक्रममार्फत कोषले पछिल्लो समय वार्षिक छ अर्ब रुपैयाँ आम्दानी गर्दै आएको बताइएको छ ।

प्रकाशित : श्रावण २४, २०७६ १६:२६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्