प्रधानमन्त्री दाहाल भन्छन् : किसानका लागि आवश्यक मलको व्यवस्था हुन्छ

वितरण प्रणालीमा समस्या हुँदा मलको अभाव भएजस्तो देखिएको उल्लेख गर्दै अब त्यस्तो समस्या पनि आउन नदिने उनको भनाइ छ ।

'धेरै मेहनतपछि अब मल आउँदैछ । तर त्यो मल आइसकेपछि पनि वितरण प्रणाली व्यवस्थित भएन भन्ने जनगुनासो पनि मैले सुनेको छु । त्यो वितरण प्रणालीलाईं व्यवस्थित गर्ने हो भने गत साल पनि मलको धेरै हाहाकार भएको होइन । मल आवश्यक मात्रामा व्यवस्था गरिएको हो । र यस वर्ष पनि मलको व्यवस्था हुन्छ । यो पनि एउटा तत्व हो भने उचित बीउबिजनको विकास पनि त्यत्तिकै महत्त्वपूर्ण हुन्छ,’ उनले भने ।

प्रधानमन्त्री दाहालले सरकारले खेतीबालीका लागि सिँचाइको अभाव हुन नदिने काममा विशेष ध्यान दिएको पनि बताए ।