कांग्रेस महामन्त्रीहरूलाई प्रश्न- देशको मुहार फेर्ने योजना खै ?

‘अहिले बर्सेनि एक लाख विद्यार्थी विदेश गइरहेका छन् । जो बाहिरिँदा हरेक वर्ष ५० औँ अर्ब बाहिर गइरहेको छ । ती युवा विद्यार्थीलाई स्वदेशमै रोकेर यो देशको उन्नतिमा श्रम गराउन कांग्रेससँग योजना हुनुपर्छ,’ देवकोटाले अघि भनिन्, ‘महामन्त्रीज्यूहरूलाई म सोध्न चाहन्छु- हाम्रै विद्यालय, कलेजमा पढाएर यी युवा विद्यार्थीलाई देशमै राख्ने योजना कहाँ छ ?’

उनले कांग्रेसले व्यवस्थित पार्टी र संगठन बनाएर मात्रै नहुने भन्दै देश बनाउने खाका लिएर अघि बढ्नुपर्नेमा महामन्त्रीहरूको ध्यानाकर्षण गराइन् । ‘महामन्त्रीज्यूले विधानको कार्यान्वयन गर्ने वार्षिक क्यालेन्डर प्रस्तुत गर्नुभयो । तर अवस्था यस्तो छ कि हामीले पार्टीकोमात्रै मुहार फेरेर हुनेवाला छैन, देशको मुहार फेर्नु छ, त्यसका लागि पनि कांग्रेसले योजना दिनुपर्छ ।’