नेपाली र अमेरिकी सेनाबीचको संयुक्त सैनिक तालिम सकियो- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपाली र अमेरिकी सेनाबीचको संयुक्त सैनिक तालिम सकियो

कान्तिपुर संवाददाता

काठमाडौँ — नेपाली सेना र अमेरिकी सेनाबीच संयुक्त सैनिक तालिम ‘अभ्यास टेक नेल–२२’ मंगलबार सम्पन्न भएको छ । गत कात्तिक १५ गतेबाट सुरु भएको उक्त तालिम मंगलबार छाउनीमा आयोजित कार्यक्रममा समापन गरिएको हो ।

तालिममा नेपाली सेनाबाट विपद् व्यवस्थापनमा खटिदै आइरहेको डिजास्टर एसेसमेन्ट एन्ड रेस्पोन्स टिमबाट ४५ जना र अन्य सम्बद्ध निकायहरुबाट ४ जना गरी ४९ जनाको उपस्थित रहेको थियो । तालिममा अमेरिकी सेनाका १७ सहित ६६ जनाको सहभागिता थियो । संयुक्त तालिम काठमाडौं, पोखरा र अन्नपुर्ण वेस क्याम्प इलाकामा सञ्चालन भएको थियो ।

तालिममा शिक्षार्थीहरुलाई जल उद्धार र उच्च पहाडी तथा हिमाली क्षेत्रमा खोज तथा उद्धार जस्ता विषयहरुको सैद्धान्तिक र व्यवहारिक ज्ञान दिइएको नेपाली सेनाद्वारा जारी विज्ञप्तीमा उल्लेख छ । मंसिर ११ गते पोखरामा सञ्चालन भएको कुल्मिनेटिङ अभ्यासको बलाधिकृत रथी बालकृष्ण कार्कीले समेत निरीक्षण गरेका थिए ।

‘यस किसिमको संयुक्त तालिमबाट दुवै देशका विपद् व्यवस्थापन कार्यमा संलग्न रहने फौजहरुमा उच्च पहाडी तथा हिमाली क्षेत्रमा गरिने खोज तथा उद्धार सम्बन्धि सैद्धान्तिक तथा व्यवहारिक क्षमता अभिवृद्धि हुनुको साथै दुई देश बीचको मैत्रीपूर्ण सम्बन्धलाई थप सुदृढ बनाउन सहयोग पुग्ने विश्वास नेपाली सेनाले लिएको छ,’ सेनाद्वारा जारी विज्ञप्तीमा भनिएको छ ।

समापन कार्यक्रममा बलाध्यक्ष रथी सरोज प्रताप राणा, अमेरिकी राजदूत र्‍यान्डी बेरी, सैनिक तालिम महानिर्देशनालयका महानिर्देशक उपरथी निरन्जन कुमार श्रेष्ठ, युद्धकार्य विभागका प्रमुख उपरथी निर्मलकुमार थापालगायतको उपस्थिती थियो ।

प्रकाशित : मंसिर १४, २०७८ १९:२७
प्रतिक्रिया
पठाउनुहोस्

सामसङको नयाँ सफ्टवेयर ‘वान् युआइ ४ अद्यावधिक’ 

कान्तिपुर संवाददाता

काठमाडौँ — सामसङ  इलेक्ट्रोनिक्सले नयाँ सफ्टवेयर वान् यूआई ४ को औपचारिक घोषणा गरेको छ ।  जुन ग्यालेक्सी एस २१, ग्यालेक्सी एस २१ प्लस र ग्यालेक्सी एस २१ अल्ट्रा सिरिजमा पहिलो पटक समावेश हुने कम्पनीले जनाएको छ ।

वान् यूआई ४ ले ग्राहकलाई एक उन्नत मोबाइलको अनुभव दिलाउने सामसङको दावी छ । ‘हामी जोकोहीलाई सम्भव भएसम्म छिटोभन्दा छिटो उत्कृष्ट मोबाइलको अनुभव दिलाउन प्रतिबद्ध छौं’ सामसङ नेपालका डाइरेक्टर प्रनयरत्न स्थापितले भने ‘वान् यूआई ४ मार्फत सामसङले नवीनतम, गोपनीय र सुरक्षाका विशेषता ल्याएको छ, जसले गर्दा ग्राहकले के साझा गर्ने र के गोप्य राख्ने भनेर सही रुपमा चयन गर्न सक्नेछन् ।’

जब कुनै एपले ग्राहकको क्यामरा वा माइक्रोफोनमा पहुाच राख्ने प्रयास गरिरहेको हुन्छ त्यस समयमा यसले सचेत गराउने उनले बताए । ग्यालेक्सी एस २१ सिरिजमा नोभेम्बर १५ देखि वान् युआइ ४ उपलब्ध भएको छ । छिट्टै नै पहिलेको ग्यालेक्सी एस र नोट सिरिजका साथै ग्यालेक्सी जेड सिरिज, ए सिरिज र ट्याब्लेटहरुमा पनि उपलब्ध गराइने कम्पनीले जनाएको छ । यो घोषणा शुरु भएको ग्यालेक्सी घडी सिरिजको लागि नयाँ सफ्टवेयर अद्यावधिकसँगै गरिएको कम्पनीले स्पष्ट पारेको छ ।


प्रकाशित : मंसिर १४, २०७८ १९:२५
पूरा पढ्नुहोस्
प्रतिक्रिया
पठाउनुहोस्
×