२४ घण्टामा थपिए १५४ कोरोना संक्रमित, ३४२ जना निको- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घण्टामा थपिए १५४ कोरोना संक्रमित, ३४२ जना निको

कान्तिपुर संवाददाता

काठमाडौँ — पछिल्लो २४ घण्टामा नेपालमा १५४ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार आइतबार ६ हजार ६०४ जनामा पीसीआर परीक्षण गर्दा १५४ जनामा संक्रमण देखिएको हो ।

स्वास्थ्य तथा जनसंख्या मन्त्रालय । फाइल तस्बिरः कान्तिपुर

२ हजार ३१४ जनामा एन्टिजेन परीक्षण गर्दा ४ जनामा संक्रमण देखिएको मन्त्रालयद्वारा जारी विवरणमा छ । यस्तै, २४ घण्टामा संक्रमणबाट २ जनाको मृत्यु भएको छ ।

नेपालमा हालसम्म कोरोनाबाट ८ लाख २० हजार ८७८ जना संक्रमित भएका छन् । यस्तै, ८ लाख २ हजार ३८९ जना संक्रमणमुक्त भएका छन् । नेपालमा कोरोना निको हुने दर ९७.७ प्रतिशत छ । हालसम्म संक्रमणबाट ११ हजार ५२३ जनाको मृत्यु भएको मन्त्रालयको तथ्यांकमा उल्लेख छ ।

हाल देशमा सक्रिय संक्रमितको संख्या ६ हजार ९६६ रहेको छ । यस्तै, ९८ जना क्वारेन्टाइनमा छन् ।

प्रकाशित : मंसिर १२, २०७८ १६:१६
प्रतिक्रिया
पठाउनुहोस्

झापामा बस दुर्घटना, १ को मृत्यु, २३ घाइते

अर्जुन राजवंशी

बिर्तामोड — झापाको कन्काई पुलको रेलिङमा बस ठोक्किँदा १ जनाको मृत्यु भएको छ । २३ जना घाइते भएका छन् ।

पूर्वबाट पश्चिम जाँदै गरेको ना ५ ख ८०४१ नम्बरको बस आइतबार मध्याह्न साढे १२ बजे कन्काई नगरपालिका ८ स्थित कन्काई नदीको पुलमा अनियन्त्रित भएर दुर्घटना भएको हो । दुर्घटनामा परी कन्काई ७ का १७ वर्षीय उत्सव पौडेलको मृत्यु भएको छ । गम्भीर घाइते पौडेलको बिर्तामोडस्थित बिर्तासिटी अस्पतालमा उपचारका क्रममा दिउँसो १ : ३० बजे मृत्यु भएको इलाका प्रहरी कार्यालय अनारमनीका डीएसपी सन्तोष आचार्यले जानकारी दिए ।

पत्ती भाँचिएर अनियन्त्रित भएको बस पुलको उत्तरतर्फको रेलिङमा ठोक्किएको हो । अगाडिको एउटा चक्का पुलको रेलिङ भत्काएर झुण्डिएको बस नदीमा खस्नबाट जोगिएको छ । घाइते १२ जनाको बिर्ता सिटी र ११ जनाको बी एन्ड सी अस्पतालमा उपचार भइरहेको जिल्ला प्रहरी कार्यालयले जनाएको छ ।


प्रकाशित : मंसिर १२, २०७८ १६:०६
पूरा पढ्नुहोस्
प्रतिक्रिया
पठाउनुहोस्
×