खाली घरभित्र शंकास्पद शव भेटियो
काठमाडौँ — काठमाडौं महानगर–१३ बाफल गाईबाछा पाटीस्थित अच्यूत पाण्डेको खाली घरभित्र शरीर जलेको अवस्थामा एक पुरुषको शव फेला परेको छ ।
महानगरीय प्रहरी वृत्त कालीमाटी प्रमुख डिएसपी अनिल घिमिरेका अनुसार अन्दाजी ३२ वर्षीय पुरुषको शव जलेर नचिन्ने अवस्थामा भेटिएको हो ।
बुधबार मान्छे नबस्ने खाली घरमा भेटिएको शवको पोष्ट मार्टमका लागि शीक्षण अस्पताल महाराजगञ्ज पठाइएको डिएसपी घिमिरेले बताए । जलेको अवस्थामा शंकास्पद शव भेटिएपछि महानगरीय प्रहरी परिसर काठमाडौं, अपराध महाशाखा र वृत्त कालिमाटीको टोलीले अनुसन्धान सुरु गरेको बताइएको छ ।
प्रकाशित : मंसिर ८, २०७८ १७:२९प्रतिक्रिया
