ओली एक्लिएपछि अन्टसन्ट बोल्न थाले : नेपाल

‘राजनीतिमा पत्तासाफ हुन थालेपछि ओली छट्पटिएर अन्टसन्ट बोल्न थालेका छन्, नेपालले भने,‘चोइटिएका ओली गालीगलौचमा उत्रेका छन् । हामी कुनै प्रतिकार गर्दैनौँ । चुनावपछि विचरा भन्ने अवस्था आउने छ ।’ जनकपुरमा पार्टी कार्यालयको उद्घाटन गर्दै अध्यक्ष नेपाललले नेकपा(एस) दक्षिणपन्थी भाषामा नभासिने बताए ।

एमालेको चुनाव चिन्हमा ग्रहण लागेको टिप्पणी गर्दै अध्यक्ष नेपालले नेकपा(एस)को चुनाव चिन्ह कलम चम्किएको बताए । पार्टी विस्तारका कार्यक्रम अगाडि ओली आतिएको उनले टिप्पणी गरे ।

सञ्चारकर्मीको जिज्ञाशामा प्रदेश २ को नाम र राजधानीबारे पार्टीभित्र छलफल नभएको बताउँदै केही दिनभित्रै आधिकारिक धारणा तयार गरिने बताए ।