प्रधानसेनापति शर्मा कात्तिक २३ मा भारत जाने

उनी भारतका सेनाध्यक्ष एम एम नरवणेको औपचारिक निमन्त्रणामा भारत जान लागेका हुन् । उनले कात्तिक २६ गते भारत भ्रमण सकेर फर्कने कार्यक्रम रहेको नेपाली सेनाले जनाएको छ ।

शर्माले भ्रमणको दौरान भारतका राष्ट्रपतिबाट मानार्थ महारथीको दर्जाबाट सम्मानित हुने कार्यक्रम रहेको छ । नेपालका प्रधानसेनापति भारतीय सेनाका मानार्थ महारथी र भारतका सेनाध्यक्ष नेपाली सेनाका मानार्थ महारथी दर्जाले सम्मानित हुने दुई मुलुकबीच परम्परा रहँदै आएको छ ।

‘उहाँ (शर्मा) त्यसै अवसरमा आफ्ना समकक्षी जनरल नरवणे लगायत भारतीय सेनाका विभिन्न सेवाका प्रमुखहरुसँग पनि भेटघाट गर्ने कार्यक्रम रहेको छ,’ सेनाले विज्ञप्तीमा भनेको छ ।