एमालेले बोलायो केन्द्रीय कमिटी बैठक, महाधिवेशनबारे छलफल हुने- समाचार - कान्तिपुर समाचार
कान्तिपुर वेबसाईट
AdvertisementAdvertisement

एमालेले बोलायो केन्द्रीय कमिटी बैठक, महाधिवेशनबारे छलफल हुने

कान्तिपुर संवाददाता

काठमाडौँ — नेकपा (एमाले) ले केन्द्रीय कमिटी बैठक बोलाएको छ । शुक्रबार ललितपुरमा बसेको स्थायी कमिटी बैठकले केन्द्रीय कमिटी बैठक कात्तिक १२ गते बोलाउने निर्णय गरेको हो ।

१२ गते बिहान ११ बजे तुल्सीलाल स्मृति प्रतिष्ठान ललितपुरमा बैठक बस्ने तय भएको केन्द्रीय कार्यालय सचिव शेरबहादुर तामाङले जानकारी दिए । उनका अनुसार बैठकमा १० औं महाधिवेशनबारे छलफल हुनेछ ।

बिहीबारको स्थायी कमिटी बैठकले १० औं महाधिवेशन चितवनमा गर्ने निर्णय गरेको थियो । एमालेको महाधिवेशन मंसिर १०-१२ गतेसम्म हुनेछ ।

प्रकाशित : कार्तिक ५, २०७८ १८:३१
प्रतिक्रिया
पठाउनुहोस्

कांग्रेस महामन्त्री कोइराला भारत जाँदै

कान्तिपुर संवाददाता

काठमाडौँ — कांग्रेस महामन्त्री शशांक कोइराला शनिबार भारत जाने भएका छन् । उनको सचिवालयले त्यहाँ उपचाररत रहेका नेताद्धय प्रदीप गिरी र कर्मा घलेलाई भेट्न जान लागेको भनेको छ ।

तर, पार्टीको १४ औँ महाधिवेशनको सम्मुखमा उनको भारतको भ्रमण अर्थपूर्ण हुने नेताहरुको भनाइ छ । सांसद घले दिल्लीमा क्यान्सरको उपचार गराइरहेका छन् भने गिरी केही महिनाअघि देखि नै उपचाररत छन् ।

‘व्यक्तिगत घुमफिर हो । त्यही क्रममा त्यहाँ उपचाररत नेताहरुलाई भेटेर स्वास्थ्यलाभको कामना गर्ने हो, अरु त केही छैन,’ उनीनिकट एक नेताले भने ।

कोइरालासँगै कांग्रेसका संखुवासभा सभापति दिपक खड्का लगायत नेताहरुको टोली भारत जाने सचिवालयले जनाएको छ ।

प्रकाशित : कार्तिक ५, २०७८ १८:२५
पूरा पढ्नुहोस्
प्रतिक्रिया
पठाउनुहोस्
×