पाण्डे वाग्मतीको मुख्यमन्त्री बन्ने निश्चित
![](https://assets-cdn.ekantipur.com/uploads/source/ads/sagarmatha-cement-1332024050307.gif)
हेटौंडा — वाग्मती प्रदेशको मुख्यमन्त्रीमा नेकपा (एकीकृत समाजवादी) का संसदीय दलका नेता राजेन्द्र पाण्डेलाई अगाडि सार्ने भएका छन् । विपक्षी गठबन्धनको बिहीबार बसेको हेटौंडामा बसेको बैठकले पाण्डेलाई मुख्यमन्त्रीको रुपमा अगाडि बनाउने निर्णय गरेको हो ।
![](https://assets-cdn.ekantipur.com/uploads/source/ads/renault900x100-1442024011448.jpg)
![पाण्डे वाग्मतीको मुख्यमन्त्री बन्ने निश्चित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/politics/rajendra-pandey-02102021031824-1000x0.jpg&w=1001&h=0)
मुख्यमन्त्रीका लागि कांग्रेस नेता इन्द्र बानियाँ र पाण्डेबीच प्रतिस्पर्धा थियो । बानियाँ प्रधानमन्त्री शेरबहादुर देउवा निकट हुन् । देउवाले मुख्यमन्त्रीको विषय टुंग्याउन र सम्झौता गर्न कांग्रेस सहमहामन्त्री प्रकाशशरण महतलाई बिहीबार बिहान हेटौंडा पठाएका थिए ।
महतले मुख्यमन्त्रीमा पाण्डे अगाडि बढाउने गठबन्धनभित्र समझदारी बनाएर काठमाडौं फर्केका छन् । स्रोतका अनुसार एकीकृत समाजवादी र कांग्रेसले आधा-आधा कार्यकाल सरकारको नेतृत्व गर्ने सहमति पत्रमा गठबन्धनका नेताहरुले हस्ताक्षर गरेका छन् ।
गठबन्धनमा रहेका माओवादी केन्द्र, कांग्रेस, नेकपा (एस) ले नयाँ मुख्यमन्त्री चयनका लागि हस्ताक्षर समेत संकलन गरिसकेका छन् । प्रदेशसभा बैठक बिहीबार बस्दैछ ।
प्रकाशित : कार्तिक ४, २०७८ १५:५१