१८.१२°C काठमाडौं
मोहम्मद जयन्तीमा मुस्लिम समुदायलाई सार्वजनिक विदा
काठमाडौँ — मन्त्रिपरिषद्को बैठकले मोहम्मद जयन्ती १४९६ को अवसरमा मुस्लिम समुदायलाई सार्वजनिक विदा दिने निर्णय गरेको छ । सञ्चार तथा सूचना प्रविधिमन्त्री ज्ञानेन्द्रबहादुर कार्कीले मन्त्रिपरिषद्को सोमबारको बैठकले उक्त निर्णय गरेको जानकारी दिएका हुन् ।
'मोहम्मद जयन्ती १४९६ को अवसरमा कात्तिक २ गते मुस्लिम समुदायलाई सार्वजनिक विदा दिने निर्णय भएको छ,' मन्त्री कार्कीले भने ।
यस्तै, मन्त्रिपरिषद्को बैठकले प्रधानमन्त्री शेरबहादुर देउवाको नेतृत्वमा स्कटल्यान्डमा हुन लागेको जलवायु परिवर्तनसम्बन्धी 'वर्ल्ड लिडर समिट'मा सहभागी हुने प्रतिनिधिमण्डलसमेत गठन गरेको मन्त्री कार्कीले जानकारी दिए ।
यसवाहेक श्रम, रोजगार तथा सामाजिक सुरक्षामन्त्री कृष्णकुमार श्रेष्ठलाई 'अबुधावी डायलग'को छैटौं मन्त्रीयस्तरीय बैठकमा सहभागी हुनका लागि बैठकले स्वीकृति दिने निर्णय गरेको बताइएको छ ।
प्रकाशित : कार्तिक १, २०७८ १७:४३
