प्रदेश २ का मुख्यमन्त्री राउतले पाए विश्वासको मत - समाचार - कान्तिपुर समाचार
कान्तिपुर वेबसाईट
AdvertisementAdvertisement

प्रदेश २ का मुख्यमन्त्री राउतले पाए विश्वासको मत 

पक्षमा ७७, विपक्षमा २३ मत
सन्तोष सिंह

धनुषा — प्रदेश २ का मुख्यमन्त्री लालबाबु राउतले प्रदेशसभामा विश्वासको मत पाएका छन् । राउतको पक्षमा ७७ र विपक्षमा २३ जनाले मत दिए । बुधबारको प्रदेशसभा बैठकमा सय जना उपस्थित थिए ।

मुख्यमन्त्री राउतले प्रदेशसभामा संविधानको धारा १८८ को उपधारा २ र प्रदेशसभाको कार्य संचालन नियमावली २०७५ को नियम १४३ को उपनियम (४) बमोजिम प्रदेशसभामा विश्वासको मतको लागि पेस गरेको प्रस्तावमा मत विभाजन गर्दा राउतको पक्षमा ७७ प्रदेश सांसदले मत दिएका थिए ।

प्रदेश २ मा १ सय ४ जना प्रदेश सांसद छन् । जसपाका ३८, कांग्रेसका १९, माओवादी केन्द्रका ८, नेकपा (एस) को १३, नेपाल संघीय समाजवादी पार्टीका १ र १ जना स्वातन्त्र सांसदको सरकारलाई समर्थन छ । लोसपाका १६ जनामध्ये १५ जना, एमालेका ८ जना गरी २३ जना विपक्षमा मत दिएका थिए ।

लोसपाका प्रदेश सांसद डिम्पल झा उपचारका लागि भारतमा छिन् ।

प्रकाशित : आश्विन २०, २०७८ १८:३५
प्रतिक्रिया
पठाउनुहोस्

खुला आकाशमुनि उपचार [तस्बिरहरू]

मनोज पौडेल

कपिलवस्तु — कृष्णनगर नगरपालिकाका तीनवटा वार्डमा फैलिएको झाडापखालाका बिरामी बढ्दै गएका छन् । अवस्थामा नियन्त्रणमा रहेपनि संवेदनशिल रहेको स्वास्थ्यकर्मीले बताएका छन् । बुधबार दिउँसोसम्म ३५ जना बिरामी उपचारका लागि बहादुरगन्जस्थित शिवराज अस्पताल आएका छन् । मंगलबार साँझदेखि राति ११ बजेसम्म २० बिरामी आएका थिए ।

६ गाउँमा फैलिएको झाडापखाललाबाट सोमबार साँझबाट अस्पतालमामात्रै एक सय ४९ जना बिरामी उपचार गराइरहेका छन् । निजी क्लिनिकमा करिब एक सयले उपचार गराइरहेका छन् ।

उपचारमा आएर निको भई घर फर्केका एक जना पनि छैनन् । उपचारपछि अवस्था सामान्य भएका ४८ जनालाई महेन्द्र प्राविमा अब्जर्भेसनमा राखिएको छ । सिकिस्त भएका ३५ जनालाई थप उपचारकालागि सुविधा संपन्न तौलिहवा, भैरहवा र बुटवल रिफर गरिएको छ ।

बिरामीहरुमा पखाला लाग्ने, पेट दुख्ने, उल्टी हुने र कमजोरी हुने लक्षण देखिएका छन् । अस्पतालमा बेड अभाव भएपनि टेन्टबाट भाडामा बेड ल्याएर बाहिर खुला मुनी र प्रतिक्षालायलाई बेड बनाएर उपचार भइरहेको छ । अस्पतालमा जनशक्ती अभाव भएपछि कृष्णनगर नगरपालिका, कपिलवस्तु जिल्ला अस्पताल र प्रदेश मन्त्रालयले जनशक्ती पठाएको छ ।

दूषित पानीका कारण प्रकोप फैलिएको आशंका गरिएको छ । विभिन्न भौगोलिक क्षेत्रमा ५ जनाको दिशा परीक्षण गर्न बुटवल पठाइएको छ । रिपोर्ट आएपछि रोग पहिचान हुने अस्पतालका मेसु डा. मुकेश चौधरीले बताए । उपचाररत दुई जना बिरामीको मंगलबार बिहान मृत्यु भएको थियो ।


प्रकाशित : आश्विन २०, २०७८ १८:१९
पूरा पढ्नुहोस्
प्रतिक्रिया
पठाउनुहोस्
×