जलवायुमैत्री कृषि सम्बन्धी दक्षिण एसियाली तीन विश्वविद्यालयको सहकार्य

भौगर्भिक अध्ययन प्रविधिको प्रयोगबाट कृषि क्षेत्रमा जलवायुमैत्री उत्पादन कसरी गर्न सकिन्छ भनेर अध्ययन गर्न लागिएको मध्यपश्चिम विश्वविद्यालयका विज्ञान, प्रविधि तथा इन्जिनियरिङ संकायका डिन डा. सुदीप ठकुरीले जानकारी दिए । 'जलवायुमैत्री कृषिका लागि भौगर्भिक अध्ययनलाई कसरी प्रयोग गरिन्छ भन्नेमा अनुसन्धान केन्द्रीत हुनेछ,' उनले भने । अध्ययनले कृषि बाली, उत्पादनमा जलवायु परिवर्तनको असरबारे पनि अनुसन्धान गर्ने बताइएको छ ।

जलवायुमैत्री कृषि उत्पादन कसरी गर्न सकिन्छ भन्ने विषयमा नक्सांकन गर्ने र तथ्यांक संकलन सम्बन्धी कार्यहरू पनि अध्ययनमा समेटिनेछन् । यी देशहरूमा अनुभवको आधारमा तालिम अध्ययन विधि निर्माण गरेर स्थानीय सरकारका प्राविधिकहरूको क्षमता अभिवृद्धि तालिम पनि सञ्चालन हुनेछ ।

दुई वर्षमा सम्पन्‍न हुने यस योजनामा ३ देशका १५० जना प्राविधिकहरूलाई भौगर्भिक नक्सांकनबाट जलवायुमैत्री कृषि योजना सञ्चालन सम्बन्धी तालिम दिइनेछ ।

योजनाले कृषि उत्पादनलाई कसरी बढाउने, जलावायु परिवर्तनको सूचना कृषकहरूसम्म पुर्‍याउने र भौगर्भिक सूचना प्रविधिको प्रयोगलाई समेट्नेछ ।

दक्षिण एसिया जलवायु परिवर्तनको उच्च जोखिममा पर्ने गर्छ । हिमाल क्षेत्रबाट हिउँ पग्लने र विभिन्न समय आउने बाढी र प्राकृतिक विपत्तिका कारण वर्षेनी अर्बौं डलर बराबरको क्षति हुने गरेको छ ।