जनगणनामा छुटेकालाई मौका
काठमाडौँ — केन्द्रीय तथ्यांक विभागले राष्ट्रिय जनगणनाको पहिलो चरणअन्तर्गत घर तथा घरपरिवार सूचीकरणमा छुटेकालाई पुनः मौका दिएको छ । त्यसका निम्ति विभागको टोल फ्रि नम्बर वा वेबसाइटमा आफ्नो घर ठेगाना दिन विभागले भनेको छ ।
गत भदौ ३० गते सुरु भएको घर तथा घरपरिवार सूचीकरण कार्य सोमबार सकिएको छ ।
विभागले मंगलबार विज्ञप्ति जारी गर्दै ‘यस चरणमा कुनै परिवार छुटेको भए विभागको टोल फ्रि नम्बर ११७८ मा फोन गर्न वा वेबसाइटको लिंक प्रयोग गरी आफ्नो घरठेगानाको जानकारी दिन’ अनुरोध गरेको हो ।
आगामी कात्तिक २५–मंसिर ९ मा सम्पन्न हुने मूल जनगणनामा सबैको सहभागिताका निम्तिसमेत विभागले आह्वान गरेको छ ।
प्रकाशित : आश्विन १९, २०७८ १८:४८प्रतिक्रिया
