प्रदेश २ मा संविधानको अपव्याख्या गरी सरकार सञ्चालन : सोनल- समाचार - कान्तिपुर समाचार

प्रदेश २ मा संविधानको अपव्याख्या गरी सरकार सञ्चालन : सोनल

सन्तोष सिंह

धनुषा — प्रदेश २ का प्रमुख प्रतिपक्ष लोकतान्त्रिक समाजवादी पार्टी (लोसपा) संसदीय दलका नेता जितेन्द्र सोनलले मुख्यमन्त्री लालबाबु नेतृत्वको सरकार अवैधानिक रहेको बताएका छन् । मुख्यमन्त्री राउतले संविधानको धारा १८८ को उपधारा २ लाई अपव्याख्या गरी सरकार चलाएको सोनलले बताए ।

‘निर्वाचन आयोगबाट हामीले भदौ ९ गते लोसपाको प्रमाण पत्र लियौं, नेता सोनलले भने,‘दल विभाजन ९ गते नै भयो । विश्वासको मत दल विभाजन भएको ३० दिनभित्र असोज ७ सम्म लिनुपर्ने थियो । ७ गतेपछि मुख्यमन्त्रीले संविधान उल्लंघन गरी सरकार सञ्चालन गर्दैछन् ।’

संविधानको गलत ब्याख्या गरी मुख्यमन्त्री राउतले सरकार सञ्चलान गरेकोले लोसपाले प्रदेशसभामा प्रतिपक्षको भूमिका निर्वाह गर्ने उनले बताए ।

मुख्यमन्त्रीले संविधानको धारा १८८ अनुसार दल विभाजन भएको ३० दिनभित्र विश्वासको मत लिने व्यवस्था छ । निर्वाचन आयोगले भदौ ९ गते जसपा विभाजन भएर लोसपा गठन भएको र प्रदेश सांसदहरु सनाखत गरेको जानकारी भदौ २५ गते प्रदेशसभा सचिवालयलाई जानकारी गराएको छ ।

सोनलका अनुसार दल विभाजनको मिति भदौ ९ लाई मानेको खण्डमा मुख्यमन्त्रीले विश्वासको मत लिने समय असोज ७ गतेसम्म थियो । तर मुख्यमन्त्री राउतले बुधबार प्रदेश सभामा विश्वासको मत लिँदैछन् । पूर्वराजपा र संघीय समाजवादी पार्टी मिलेर बनेको जसपाबाट राउत मुख्यमन्त्री बनेका थिए ।


प्रकाशित : आश्विन १९, २०७८ १६:२८
प्रतिक्रिया
पठाउनुहोस्

कार्यालयमै थुनिए राजर्षि जनक विश्वविद्यालयका पदाधिकारी

सन्तोष सिंह

धनुषा — जनकपुरस्थित राजर्षि जनक विश्वविद्यालयका पदाधिकारीलाई विद्यार्थीहरूले एउटै कोठामा थुनेका छन् । विश्व विद्यालयमा पढाइ नभएको भन्दै विद्यार्थीहरुले कार्यालयको एउटा कोठामा ६ जना पदाधिकारीहरूलाई थुनेका हुन् ।

रमानन्द चोकस्थित विश्वविद्यालय डीनको कार्यालयमा पदाधिकारीहरुलाई उनीहरुले थुनेका हुन् । अहिले विश्व विद्यालय परिसरमा प्रहरी परिचालन गरिएको छ ।

समस्या समधानका लागि विश्वविद्यालयका कर्मचारी र विद्यार्थी राखेर छलफल भइरहेको जिल्ला प्रहरी कार्यालयका प्रहरी नायब उपरीक्षक जितेन्द्र बस्नेतले बताए । पदाधिकारीहरु बसेको कोठा थुनिएको र दुई पक्षबीच छलफल भइरहेको उनले बताए ।

विश्वविद्यालयमा शिक्षक भर्नाको विवादले पठनपाठन अवरुद्ध भएको छ । विश्वविद्यालयमा पेपर करारमा कार्यरत शिक्षकहरु आन्दोलित पनि भएका छन् । स्थापनाकालमा कोर्ष कन्ट्रयाक्टमा पढाउन भनेको र पछि गएर दरबन्दी करारमा नियुक्ति दिने आश्वासन दिएपनि हालसम्म माग सम्बोधन नगर्दा शिक्षकहरु पनि आन्दोलित बनेका हुन् ।

प्रकाशित : आश्विन १८, २०७८ १७:१२
पूरा पढ्नुहोस्
प्रतिक्रिया
पठाउनुहोस्
×