परराष्ट्र सम्बन्धलाई सुदृढ बनाऔं : विज्ञ - समाचार - कान्तिपुर समाचार
कान्तिपुर वेबसाईट
AdvertisementAdvertisement

परराष्ट्र सम्बन्धलाई सुदृढ बनाऔं : विज्ञ 

कान्तिपुर संवाददाता

काठमाडौँ — परराष्ट्रविद्हरुले नेपालको परराष्ट्र सम्बन्धलाई बलियो बनाउने गरी साझा धारणा तय गर्न सरकार र राजनीतिक दलहरुलाई आग्रह गरेका छन् ।

परराष्ट्रविद् ज्ञानचन्द्र आचार्य, मृगेन्द्र कार्कीलगायतका विज्ञहरुले अफगानिस्तानमा तालिवानी विद्रोहीको कब्जाको घटनाबाट पाठ सिकेर परराष्ट्र सम्बन्धलाई बलियो बनाउने गरी साझा धारणा तत्काल बनाउन नेपाल सरकार र राजनीतिक दलहरुलाई आग्रह गरेका हुन् ।

पूर्वराजदूत रहेका आचार्यले अन्य देशको अस्वाभाविक प्रभाव र दवावलाई थेगेर मुलुकलाई अघि बढाउन राजनीतिक दलहरुले समान धारणासहितको परराष्ट्र नीति ल्याउन ढिलाई गर्न नहुने स्पष्ट पारे । त्रिभूवन विश्वविद्यालय नेपाल तथा एसियाली अध्ययन केन्द्र (सिनास)का कार्यकारी निर्देशक मृगेन्द्र कार्कीले मुलुकको राष्ट्रिय सुरक्षाप्रति चिन्ता व्यक्त गर्दै त्यसलाई बलियो बनाएर लैजानुपर्नेमा जोड दिए ।

उनले नेपालको राष्ट्रिय सुरक्षामा आँच आउने खालका गतिविधि यसअघि पनि हुने गरेको उल्लेख गर्दै त्यसो हुन नदिने गरी राष्ट्रिय सुरक्षा संयन्त्रहरुलाई परिचालन गर्नुपर्ने पनि बताए । कार्यकारी निर्देशक कार्कीले अफगानिस्तानको घटनाले नेपाललाई पनि आफ्नो राष्ट्रिय सुरक्षामा ध्यान दिन सचेत गराएको पनि स्पष्ट पारे ।

कार्यकारी निर्देशक कार्कीले अमेरिकाले अफगानिस्तानमा लिएको रणनीति फेल खाएको निष्कर्षसमेत निकालेका थिए ।

परराष्ट्र मामिला अध्ययन प्रतिष्ठानले शुक्रबार काठमाडौंमा आयोजना गरेको कार्यक्रममा विज्ञहरुले भारतसागको खुला सीमा पनि नेपालको राष्ट्रिय सुरक्षाका लागि चुनौतिको विषय रहेको औंल्याएका थिए ।

प्रकाशित : भाद्र २५, २०७८ २१:०९
प्रतिक्रिया
पठाउनुहोस्

झापामा दुई महिलाका शव फेला

पर्वत पोर्तेल

काँकडभिट्टा — झापा गाउँपालिका १ सालमारास्थित सानो माई खोलाको किनारमा शुक्रबार एक महिलाको शव फेला परेको छ । इलाका प्रहरी कार्यालय कुमरखोदका अनुसार नाम, थर वतन नखुलेको सडेको अवस्थामा महिलाको नग्न शव फेला परेको हो । शव खोलाको पानीमा घोप्टो अवस्थामा फेला पारिएको प्रहरीले जनाएको छ ।  

शव पोस्टमार्टमका लागि मेची अस्पताल भद्रपुर लगिएको छ । घटना अनुसन्धान सुरु गरिएको प्रहरीले जनाएको छ । त्यस्तै शुक्रबारै झापा गाउँपालिका ५ सन्थाल बस्तीकी एक महिलाको शव सिकुवामा फेला परेको छ । शव ५५ वर्षीया मञ्जु टुडुको भएको प्रहरीले जनाएको छ ।

यसअघि भदौ २० मा एकै दिन दुई महिलाका शव खोलामा फेला परेको थियो । कन्काईको विरिङ र भद्रपुरको देउनिया खोलामा फेला परेको शवबारे पनि प्रहरीले अनुसन्धान जारी राखेको जनाएको छ ।


प्रकाशित : भाद्र २५, २०७८ २०:५८
पूरा पढ्नुहोस्
प्रतिक्रिया
पठाउनुहोस्
×