वषौंदेखि नेपालमा हराएका दुई भारतीय महिलाको उद्धार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नयाँ दिल्ली — वषौंदेखि नेपालमा हराएका दुई भारतीय महिलाको उद्धार गरेर परिवारको जिम्मा लगाइएको छ । काठमाडौंबाट उद्धार गरी ल्याइएका उनीहरूलाई शनिबार नयाँ दिल्लीमा परिवारजनलाई जिम्मा लगाइएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![वषौंदेखि नेपालमा हराएका दुई भारतीय महिलाको उद्धार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/uddargareraindia-0492021124040-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
एक दशकदेखि हराएकी उत्तरप्रदेश बरेली, शिवपुरीकी ६० वर्षीय लिलावती देवी तथा १२ वर्षदेखि घरबाट बेपत्ता हुन पुगेकी झारखण्ड मास्मोनाकी ३२ वर्षीया अतवरीयालाई काठमाडौंबाट दिल्ली ल्याइएको हो । लिलावतीलाई लिन उनका ३२ वर्षीय छोरा आछुबाबु दिल्लीस्थित झारखण्ड भवन आएका थिए । लिलावती सन २०१२ को मार्चबाट हराएकी थिइन् ।
त्यस्तै,अतवरियालाई लिन उनको दिदी मन्जु र भिनाजु विजय आएका थिए । अतवरिया भने आफ्नो घरबाट हराएको १२ वर्ष भइसकेको रहेछ । तर, दुवैजना काठमाडौं कसरी पुगे उनीहरु बताउन सकेनन् ।
वर्षौंपछि आमालाई भेट्न पाएका छोरा र बहीनीलाई भेटेका दिदीको खुसीको सीमा थिएन । परिवारबाट विछोडिएका आफ्न्तको उनीहरुले धेरैतिर खोजतलास गरेका थिए । तर, कतै पत्ता नलागेपछि उनीहरु फर्किन्छन्, भन्ने आश मारिसकेका थिए । चण्डिगढ प्रहरीले केही दिन अगाडि दुवै परिवारलाई हराइरहेका उनीहरुको आमा र दिदी काठमाडौंमा रहेको जानकारी गराएका थिए ।
आफन्त नेपाल नामक संस्थाले काठमाडौंको मंगला साहना दीर्घकालीन पुनःस्थापना केन्द्रको आश्रयमा रहेकी ती दुईजना भारतीय महिलालाई उनीहरुको परिवारसम्म पुर्याउने भूमिका खेलेको हो । आफन्त नेपालका दिल्ली प्रमुख नविन जोशीले केही समय अगाडि दिल्लस्थित नेपाली दूतावास मार्फत काठमडौंमा दुईजना घर/ठेगना नखुलेको महिला रहेको जानकारी दिएपछि खोजी थालिएको बताए ।
भारतको हरेक प्रदेशको प्रहरी र संघ संस्थालाई महिलाबारे जानकारी पठाएपछि धेरैपछि उनीहरु झारखण्ड र उत्तर प्रदेशको रहेको पत्ता लागेको उनले बताए । यसकार्यमा चण्डिगढको प्रहरी अनुसन्धान ब्यूरोले आफूहरुको काममा सक्रिय साथ दिएको उनले उल्लेख गरे ।
झण्डै १० वर्षपद्धि आमालाई भेटेका आछुबाबु भावविभोर थिए । कान्तिपुरसँगको कुराकानीमा आफ्नो आमालाई संरक्षण दिएको र आफू समक्ष ल्याइदिएको नेपाली संस्थाहरुलाई आभार प्रकट गर्ने शब्द आफूसँग नरहेको उल्लेख गरे । ‘मरो आमा अब फर्किदैनन्, उनी मरिसकिन भनेर ठानेका थियौं,’ उनले भने ‘अकास्मात एकदिन चण्डिगढ प्रहरी मार्फत आमाबारे खबर आएपछि आमालाई भेट्न आतुर थिए । आज भेट भयौं । धेरै खुशी छु । ’
![](https://assets-cdn.ekantipur.com/uploads/source/ads/900-x-100-0172024023126.gif)