भारतद्वारा नेपालका बाढीपहिरो प्रभावितलाई राहत सामग्री सहयोग

नेपालका १५ जिल्लामा बाढी तथा पहिरोबाट प्रभावित परिवारहरुका लागि वितरण गर्नको लागि राहत सामग्री सहयोग गरिएको भारतीय राजदूतावासले विज्ञप्तिमार्फत जनाएको छ । राहत सामग्रीमा टेन्ट, प्लास्टिक सिट, स्लीपिङ म्याट र औषधिहरु छन् ।

बाढी र पहिरोका कारण जनजीवनमा पुगेको क्षतिलाई दृष्टिगत गर्दै स्थानीय सरकारसागको समन्वयमा नेपाल–भारत महिला मैत्री समाज र प्राज्ञिक विद्यार्थी परिषदमार्फत सो राहत सामाग्री चार प्रदेशका जिल्लाहरुलाई वितरण गर्न लागिएको छ ।

राहत सामग्री वितरण हुने जिल्लाहरुमा पर्सा, बारा, रौतहट, सर्लाही, धनुषा, महोत्तरी, सिराहा, सप्तरी, रुपन्देही, गोरखा, मनाङ, सिन्धुपाल्चोक, रसुवा, दोलखा र धादिङ रहेको दूतावासले जनाएको छ ।