एसिड प्रहार गर्ने श्रीमानलाई १० वर्ष ६ महिना कैद

जनकपुरधाम–७ पेठिया बजारकी २२ वर्षीया श्रीमती आरती साह र ४ वर्षीया छोरी रियालाई एसिड प्रहार गर्ने सञ्जीव साहलाई जिल्ला अदालत धनुषाका न्यायाधीश कृष्णमुरारी शिवाकोटीको इजलासले बिहीबार १० वर्ष ६ महिना कैद र ६ लाख ५० हजार क्षतिपूर्तिका लागि जरिवाना गरेको हो ।

श्रीमानसँग विवाद भएपछि छुट्टिएर बसिरहेकी श्रीमती र छोरीलाई डेरामै पुगेर गत वर्षको कात्तिक २९ गतेको बिहान सञ्जीवले एसिड प्रहार गरेका थिए ।