साझा न्यूनतम कार्यक्रम- 'संविधानको भावनाअनुसार भूमिहीनलाई भूमि दिने' [पूर्णपाठ]- समाचार - कान्तिपुर समाचार
कान्तिपुर वेबसाईट
AdvertisementAdvertisement

साझा न्यूनतम कार्यक्रम- 'संविधानको भावनाअनुसार भूमिहीनलाई भूमि दिने' [पूर्णपाठ]

कान्तिपुर संवाददाता

काठमाडौँ — सरकारले भूमिहीनलाई भूमि दिने भएको छ । सरकार सञ्चालनका लागि सत्तारुढ गठबन्धनले सार्जनिक गरेको साझा न्यूनतम कार्यक्रम र कार्यविधिमा भूमिहीनलाई भूमि दिने उल्लेख गरिएको छ ।

प्रधानमन्त्री तथा मन्त्रिपरिषद्को कार्यालय सिंहदरबारमा आइतबार प्रधानमन्त्री शेरबहादुर देउवा, सत्ता गठबन्धनमा रहेका माओवादीका अध्यक्ष पुष्पकमल दाहाल र जसपा अध्यक्ष उपेन्द्र यादवले कार्यदलको प्रतिवेदन सार्वजनिक गरेका हुन् ।

साझा न्यूनतम कार्यक्रममा भनिएको छ, 'संविधानको भावनाअनुसार भूमिहीनलाई भूमि दिने । मुक्त कमैया, हलिया, बाँधा र भूमिहीन किसानका लागि आर्थिक उत्थान र बसोबासको व्यवस्था गर्ने ।'

केपी शर्मा ओली नेतृत्वको सरकारले गठन गरेको भूमि आयोग खारेज गरेकोमा सरकारको आलोचना भइरहेको बेला सरकारले भूमिहीन र सुकुम्बासीलाई भूमि दिने कार्यक्रम ल्याएको हो ।

त्यस्तै, डिजिटल प्रविधिमा आधारित विपद्‌ पूर्वसतर्कता प्रणाली लागू गर्ने र बस्ती स्थानान्तरण र एकीकृत बस्ती निर्माण थाल्ने पनि साझा कार्यक्रममा उल्लेख छ ।

सरकारले एकीकृत सामाजिक सुरक्षा संरचना लागू गर्ने, गरिब घर परिवारलाई परिचयपत्रको व्यवस्था गर्ने, निजी विद्यालयमा अभिभावकलाई चर्को आर्थिक भार पर्न नदिने, विश्वविद्यालयलाई राजनीतिक हस्तक्षेप मुक्त गर्ने र पदोन्नति प्रणाली व्यवस्थित गर्न विश्वविद्यालय ऐनमा सुधार गर्ने पनि साझा कार्यक्रममा उल्लेख छ ।

प्रकाशित : श्रावण २४, २०७८ १७:४८
प्रतिक्रिया
पठाउनुहोस्

पाकिस्तानी अजिज चितवन टाइगर्समा

कान्तिपुर संवाददाता

काठमाडौँ — चितवन टाइगर्सले पाकिस्तानका अन्तर्राष्ट्रिय खेलाडी डानिश अजिजलाई एभरेष्ट प्रिमियर लिग (ईपीएल) को आउँदो सिजनका लागि भित्राएको छ । अजिज ईपीएलका लागि चितवनले घोषणा गरेको पहिलो विदेशी खेलाडी हुन् ।

स्टाइलिस युवा देव्रे हाते ब्याट्सम्यानले अप्रिलमा पाकिस्तानको दक्षिण अफ्रिका भ्रमणका क्रममा सेन्चुरियनमा एकदिवसीय अन्तर्राष्ट्रिय र हरारेमा जिम्बावेविरुद्ध ट्वान्टी–२० अन्तर्राष्ट्रियमा ‘डेब्यु’ गरेका थिए । स्ट्रोक प्ले, सन्तुलन र टेक्निक शैलीमा समान्ता देखिएकाले पाकिस्तानमा उनलाई भारतका युवराज सिंहसँग पनि तुलना गर्ने गरिन्छ । अजिज पनि भारतीय स्टारलाई आफ्नो प्रेरक मान्दै आएका छन् ।

‘नयाँ सिजनको ईपीएलका लागि डानिसलाई विदेशी खेलाडीको रुपमा भित्राउदा हामी उत्साहित रहेका छौं, पाकिस्तानको भविष्यको ब्याट्सम्यानको रुपमा उनलाई हेरिएको छ । उनको बिग हिटिङ र फिनिसिङ क्षमताले हाम्रो युवा ब्याटिङ लाइनअपलाई नयाँ आयाम दिनेछ,’ चितवन टाइगर्सको प्रेस विज्ञप्तिमा अप्रेसन्स डाइरटेक्टर विनिता चौधरीले भनेकी छिन् ।

घरेलु प्रतियोगिताबाट चर्चामा आएका खेलाडी हुन् २५ वर्षीय अजिज । उनले नेसनल टी २० कपमा असाधरण प्रर्दशन देखाएका थिए । सिन्धबाट त्यो प्रतियोगितामा खेल्दै उनले दुई अर्धशतकसहित ९ खेलमा २ सय २० रन बनाएका थिए । उनको औसत ७३.३३ र स्ट्राइक रेट १५४.९२ थियो । आफूलाई अलराउन्डर साबित गर्ने क्रममा उनले १९ को औसतमा ५ विकेट लिएका थिए । उनको इकोनोमी रेट ८.७६ रहेको थियो ।

उनले आफ्नो पावर हिटिङ क्षमता २०२१ को पाकिस्तान सुपर लिग (पीसीएल) मा देखाएका थिए । कराची किंग्सबाट खेल्दै अजिजले क्वेटा ग्लाडिएटर्सविरुद्ध १३ बलमा ४५ रन बनाएका थिए । उनले सो क्रममा ज्याक वाल्डरमथलाई एकै ओभरमा ३२ रन प्रहार गरेका थिए । त्यसमा ४ छक्का र एक चौका समावेश थियो । १८ ओभरमा १३६–५ को अवस्थामा रहँदा कराचीले उनको इनिङ्सपछि २० ओभरमा ६ विकेट गुमाइ १ सय ७६ रन बनाएको थियो । सो खेलमा १४ रनको विजय हात पार्दै कराची किंग्स प्लेअफमा पुगेको थियो ।

नेसनल टी २० कपमा उनले ४७ बलमा ७२ रन बनाएपछि सिन्धले खाइबर पाखुतन्खवामाथि अन्तिम बलमा विजय हात पारेको थियो । सिन्धलाई अन्तिम ३ बलमा १५ र अन्तिम बलमा ५ रन चाहिएको अवस्थामा अजिजले इफ्तिखार अहमदको बलमा छक्का प्रहार गरी सनसनीपूर्ण विजय दिलाएका थिए । सिन्ध ३२–४ को अवस्थामा रहेको समयमा क्रिजमा आएका थिए र टोली थप पतन हुने क्रममा ७ विकेट गुमाइ ३४ रनको स्थितिमा पुगेको थियो । १ सय ३९ रनको विजय लक्ष्य लिएर आएको सिन्धबाट अजिजले अनवर अलीसँग ७७ रनको साझेदारी गरेका थिए ।

अन्तर्राष्ट्रिय क्रिकेट परिषद् (आईसीसी) बाट मान्यता प्राप्त ईपीएल असोज ९ गते देखि कीर्तिपुर मैदानमा आयोजना हुँदैछ ।

प्रकाशित : श्रावण २४, २०७८ १७:३८
पूरा पढ्नुहोस्
प्रतिक्रिया
पठाउनुहोस्
x
×