देउवालाई विश्वासको मत दिने माओवादी केन्द्रको निर्णय- समाचार - कान्तिपुर समाचार

देउवालाई विश्वासको मत दिने माओवादी केन्द्रको निर्णय

कान्तिपुर संवाददाता

काठमाडौँ — नेकपा (माओवादी केन्द्र) ले प्रधानमन्त्री शेरबहादुर देउवालाई विश्वासको मत दिने निर्णय गरेको छ । आइतबार सिंहदरबारमा बसेको संसदीय दलको बैठकले विश्वासको मत दिने निर्णय गरेको सांसद मातृका यादवले जानकारी दिए ।

देउवाले आइतबार संसद्को दोस्रो बैठकमा विश्वासको मत लिँदै छन् । देउवा नेतृत्वको सरकारमा माओवादीबाट दुई जना मन्त्री छन् । प्रतिनिधिसभामा तत्काल कायम रहेका २ सय ७१ सांसदमध्ये १ सय ३६ जनाको समर्थन देउवालाई चाहिन्छ । जसअनुसार कांग्रेस ६१, माओवादी केन्द्रका ४८, जसपाको उपेन्द्र यादव पक्षका १९, जनमोर्चाका १ सांसदको मत देउवालाई जाने सम्भावना छ । यसअघि अदालतमा रिट दायर गर्दा देउवाका पक्षमा हस्ताक्षर गरेका एमालेका माधव कुमार नेपालपक्षका २३ सांसद सबैले उनलाई मत दिने/नदिने यकिन भइसकेको छैन ।

कांग्रेस, माओवादी केन्द्र र जसपाका १९ सांसदले साथ दिँदा पनि देउवालाई सात मत अपुग हुन्छ । देउवालाई विश्वासको मत दिने/नदिनेबारे निर्णय लिन एमालेको नेपालपक्षका सांसदहरू छलफलमा जुटेका छन् ।

प्रकाशित : श्रावण ३, २०७८ १३:२२
प्रतिक्रिया
पठाउनुहोस्

जाँचियो रेल्वे ट्य्राकको क्षमता

अजित तिवारी

जनकपुर — भिडभाड र चहलपहल रहने नेपाल रेल्वेको जनकपुर खण्ड आइतबार बिहानैदेखि सुनसान थियो । रेल्वे ट्य्राकमै लाग्ने हटिया खाली गराइएको थियो । रेल्वे क्रसिङ हुने स्थानमा सुरक्षाकर्मी खटिए । ट्राफिक प्रहरी सिठी फुक्दै रेल्वे क्रसिङमा सवारीसाधनलाई रोकिरहेका थिए । 

रेल्वे ट्य्राकका दुवै छेउमा सर्वसाधारणको बाक्लो भिड थियो । अटेरी गरेर ट्य्राक क्रस गर्नेलाई प्रहरीले हप्काइरहेका थिए । आइतबार बिहान करिब पौने १२ बजे जनकपुर प्लेटफर्ममा रेल आइपुग्दा ट्य्राकमा थप सतर्कता अपनाइयो । एउटा एसी कोचसहित भारतीय रेलले जयनगर–जनकपुर–कुर्था रेल्वे खण्डमा आइतबार ट्य्राकको गति–क्षमता परीक्षण गरेको छ ।

भारतीय सरकारले जयनगरदेखि कुर्थासम्म ३६ किलोमिटरमा ब्रोडगेज लिंक बनाएको दुई वर्ष भइसक्यो । भारत सरकारकै सहयोगमा कुर्थादेखि बर्दिवाससम्म ब्रोडगेज लिंकको निर्माण कार्य जारी छ । निर्माण सम्पन्न भइसकेको जयनगरदेखि कुर्थासम्म भारतीय रेलले ट्य्राकको परीक्षण गरेको छ । नेपालले खरिद गरेको रेल नै ट्य्राकको परीक्षणमा चलाइने बताइए पनि भारतीय रेलमार्फत गति परीक्षण गरिएको हो ।

नेपाल रेल्वे कम्पनी लिमिटेडका महाप्रबन्धक गुरु भट्टराईले रेल सञ्चालनपूर्वको तयारीका क्रममा रेल्वे ट्य्राकको स्पिड टेस्ट र सर्टिफिकेसनको काम आइतबार गरिएको बताए । उनका अनुसार भारतको इस्ट सेन्ट्रल रेल्वेको डिजल लोकोमोटिभद्वारा गति परीक्षण गरिएको हो । परीक्षण गर्दा रेल १ सय २० किमी प्रतिघण्टा दौडने भनिए पनि गति त्यसभन्दा कमै थियो ।

नेपाल सरकारले एक वर्षअघि ८४ करोड ६५ लाख रुपैयाँमा खरिद गरेका दुई सेट रेल धनुषाको इनर्वा प्लेटफर्ममा त्रिपालले छोपेर राखिएको छ ।

प्रकाशित : श्रावण ३, २०७८ १३:०६
पूरा पढ्नुहोस्
प्रतिक्रिया
पठाउनुहोस्
×