भारतीय राजदूत क्वात्राद्वारा प्रधानमन्त्री देउवालाई बधाई
काठमाडौँ — नेपालका लागि भारतीय राजदूत विनयमोहन क्वात्राले प्रधानमन्त्री शेरबहादुर देउवालाई सफल कार्यकालको शुभकामना दिएका छन् ।
बुधबार बुढानिलकण्ठस्थित देउवा निवासमा पुगेर राजदूत क्वात्राले बधाई तथा शुभकामना दिएका हुन् ।
भेटमा दुई मुलुकबीचको सम्बन्धको बारेमा चर्चा भएको परराष्ट्र मन्त्रालयले जनाएको छ ।
यस्तै, नेपालका लागि अमेरिकी राजदूत र्यान्डी बेरीले नयाँ प्रधानमन्त्री नियुक्त भएकोमा देउवालाई ट्वीटरमार्फत बधाई दिएका छन् । उनले दुई मुलुकबीचको झन्डै ७५ वर्ष लामो मित्रतालाई अझ बढावा दिने पनि उल्लेख गरेका छन् ।
प्रकाशित : असार ३०, २०७८ १४:५२प्रतिक्रिया
