एमाले कार्यदल सहमति नजिक, शनिबार अन्तिम रुप दिइने

‘कार्यदलको आजको बैठक निकै लामो र सघन छलफलमा बिताएका छौं । झन्डैझन्डै ७ घण्टा ब्यतित गरेका छौं । पार्टी एकतालाई सुदृढ गर्ने सन्दर्भमा सहमतिमा पुगेका छौं,’ बैठकपछि कार्यदल सदस्य प्रदीप ज्ञवालीले भने, ‘सहमतिको दस्तावेजलाई अन्तिम रुप दिन अर्थात् भाषिक परिमार्जनलगायतका केही विषयहरुमा भोलि केहीबेर बस्न पर्ने भएको छ । तर अहिलेका जति पनि प्रश्न छन्, त्यसलाई सहमतिको विन्दुमा ल्याइ पुर्‍याएका छौं । एमाले नेता कार्यकर्ताको चिन्तलाई दूर गर्नेगरी भोलि सहमतिका साथ टुंग्याउँछौं ।’

अर्का कार्यदल सदस्य गोकर्ण विष्टले पनि धेरै कुरामा सहमति जुटेको बताए ।

‘छलफल गर्दै जाँदा समय अभाव भयो । बाँकी रहेका विषय भोलि टुंग्याउँछौं । हामी सहमति गर्छौं,’ विष्टले भने ।