गणेश लामा पोखराबाट पक्राउ 

कास्की प्रहरी प्रमुख एसपी जीवनकुमार श्रेष्ठले लामा निषेधाज्ञाका बेला किन आएको भनेर सोधपुछका लागि नियन्त्रणमा लिइएको बताए । ‘अरु कुनै विषय होइन, यो निषेधाज्ञा उल्लंघन भयो कि भन्ने हो,’ उनले भने, ‘सोधपुछकै क्रममा छौं ।’

लामालाई वडा प्रहरी कार्यालय बैदाममा राखेर प्रहरीले सोधपुछ गरिरहेको छ ।

उनी कहिले आए भन्ने पनि खुलेको छैन । लेकसाइडको एक होटलमा बसेका लामालाई पछि अर्को रेष्टुरेन्टमा गएका बेला दिउँसो प्रहरीले नियन्त्रणमा लिएको थियो ।

गण्डकी प्रदेशका मुख्यमन्त्री पृथ्वीसुब्बा गुरुङले प्रदेशसभामा विश्वासको मत लिने बेलामा आएकाले राजनीतिक चलखेल गर्न लागि आएको आशंका यहाँ गरिएको छ ।